Tóbak

Reyklaus bekkur - árvisst verkefni í 7. og 8. bekk

Samkeppnin Reyklaus bekkur hófst aftur í nóvember 2008. Þetta er sjöunda árið sem þessi samkeppni er haldin og hefur þátttakan verið mjög góð öll árin. Veturinn 2007-08 skráðu sig til leiks um 320 bekkir eða yfir 6000 nemendur.

Reyklaus bekkur er samkeppni sem fram fer árlega í 7. og 8. bekk í skólum landsins.

Sérstök vefsíða er fyrir verkefnið þar sem fram koma allar helstu upplýsingar um þátttöku, fréttir af starfinu, vinningshöfum, gjöfum og fleiru.

Verkefnið hefur gengið mjög vel á Íslandi og hefur áreiðanlega stuðlað að því að margir krakkar byrja ekki að reykja.




Reykingar

Tóbak og reykingar

Það er miklu auðveldara að byrja aldrei að reykja en að hætta. Ef þú byrjar ekki að reykja fyrir tvítugsaldurinn þá eru mjög miklar líkur, eða 73%, á því að þú reykir aldrei! Þetta kemur fram í rannsókninni Heilsa og líðan íslendinga 2007 og miðast við reynslu 18-79 ára núlifandi íslendinga.

Ekki nóg með að þetta sé rándýrt „áhugamál“ heldur eru í tóbaki mjög mörg eiturefni og önnur efni sem gera reykingamenn að fíklum á skömmum tíma. Reykingar hafa að auki ömurleg áhrif á heilsuna - sem mjög oft leiðir til ótímabærs dauða og nánast undantekningarlaust til mun lélegri heilsu og verra ónæmiskerfis en hjá þeim sem ekki reykja / nota munntóbak.
Hér finnurðu upplýsingar um allt þetta og með reiknivélinni geturðu reiknað út hvað það kostar mikið að reykja. 



Laugavgi 116 - 105 Reykjavík - S:5 800 900

Þetta vefsvæði byggir á Eplica