Líkamsþyngd og holdafar fullorðinnaÍslendinga frá 1990 til 2007
um heim. Vaxandi offita gefur vísbendingu um að fleira fólk borði orkumeiri fæðu og
hreyfi sig minna en áður. Ýmsar rannsóknaniðurstöður benda til að hvoru tveggja hafi átt
sér stað á undanförnum áratugum og er í því sambandi einna helst vitnað í breytta
þjóðfélagshætti. (Sækja skýrsluna í heild hér á pdf-formi)
Skýrsla um rannsóknina kom út í september 2009 og er eftir:
Margrét Valdimarsdóttir
Stefán Hrafn Jónsson
Hólmfríður Þorgeirsdóttir
Elva Gísladóttir
Jón Óskar Guðlaugsson
Þórólfur Þórlindsson
Í rannsókninni er þróun offitu á Íslandi skoðuð frá árinu 1990 til 2007. Unnið er með
upplýsingar um hæð og þyngd fólks úr sex spurningalistakönnunum sem lagðar hafa
verið fyrir fullorðið fólk á landinu öllu á tímabilinu. Þátttakendur voru á aldrinum 18 til
79 ára og voru valdir með tilviljun úr þjóðskrá. Líkamsþyngdarstuðull (LÞS, e. „body
mass index“ eða BMI) var reiknaður út frá upplýsingum um hæð og þyngd og miðast
offita við LÞS ≥ 30. Líkamsþyngdarstuðullinn hentar ágætlega til þess að mæla
breytingar á holdafari hópa á tilteknu tímabili en er ekki eins vel fallinn til að mæla
holdafar einstaklinga þar sem hann tekur ekki tillit til mismunandi líkamsbyggingar og
greinir ekki á milli fitu og annarra vefja líkamans.
Niðurstöður sýna að líkamsþyngdarstuðull Íslendinga hefur hækkað undanfarna tvo
áratugi og töluvert fleiri hafa háan LÞS nú en áður. Árið 1990 var hlutfall of feitra (e.
obesity) karla 7,2% en hafði hækkað í 18,9% árið 2007 og hjá konum hækkaði hlutfallið
úr 9,5% í 21,3% á sama tíma. Hlutfall íslenskra karla (66,6%), sem eru yfir kjörþyngd, er
heldur hærra en kvenna (53,5%). Munurinn er þó einkum til kominn vegna þess hve hátt
hlutfall karla (47,7%) eru of þungir (e. overweight) í samanburði við konur (32,2%).