Ýtarefni
Áfengisauglýsingar hafa áhrif á unglingadrykkju
Samkvæmt niðurstöðum langtímarannsóknar í Bandaríkjunum á árabilinu 1999-2001 hafa áfengisauglýsingar áhrif á áfengisdrykkju ungs fólks. Niðurstöðurnar sýna að bein tengsl eru á milli drykkju og framboðs auglýsinga þannig að sá hópur ungs fólks sem sá meira af áfengisauglýsingum drakk meira en sá hópur sem sá minna af þeim.
Þessar niðurstöður styrkja enn frekar þá skoðun forvarnaaðila að auglýsingar hafi áhrif á unglingadrykkju og því séu tilslakanir á banni við áfengisauglýsingum ekki til þess fallnar að draga úr áfengisneyslu. Frekar þurfi að skýra og herða enn meir bann við áfengisauglýsingum. Benda má á að samkvæmt samantekt sem gerð var fyrir Lýðheilsustöð hefur áfengisauglýsingum í dagblöðum og tímaritum á Íslandi fjölgað um þriðjung á síðastliðnum tíu árum.
Smellið á tengilinn til að lesa um rannsóknina:
http://www.timesonline.co.uk/article/0,,11069-1967420,00.html
Skoða kannanir um áfengi, auglýsingar og fjölmiðla á Íslandi.