Undirbúningur

Ég mun forðast freistingar með því að:

• Velja mér rólegan dag til að hætta.
• Hvorki kaupa né vera með sígarettur.
• Fjarlægja öskubakka, eldspýtur og kveikjara.
• Halda mig frá áfengi fyrst um sinn.

Ég mun fá stuðning með því að:

• Hafa samband við fagaðila svo sem Ráðgjöf í reykbindindi.
• Ræða við fjölskylduna og vini mína um hvers vegna ég vil hætta.
• Leita ráða hjá fyrrverandi reykingamanni. Fyrst hann gat það, get ég það líka!
• Slást í lið með öðrum sem vilja hætta að reykja.

Ég mun breyta því hvernig ég hugsa um reykingarnar með því að:

• Minna mig á að það er ekkert sem heitir „bara ein“ sígaretta.
• Minna mig á af hverju ég vil hætta og hver ávinningurinn verður.
• Minna mig á að það er ég sem ræð.
• Takast á við einn dag í einu.

Ég mun takast á við löngunina með því að:

• Draga andann djúpt nokkrum sinnum.
• Drekka glas af vatni mjög rólega.
• Nota eitthvað af þeim hugmyndum sem ég skráði niður á bls. 11.
• Nota nikótínlyf eða nikótínlaus lyf (sjá bls. 21).
• Muna að löngunin stendur stutt yfir en ávinningurinn af því að hætta endist út ævina.

Í fyrstu vikunni mun ég:

• Prófa að fara aðra leið til vinnu, í búðina eða skólann.
• Hafa nóg fyrir stafni og sinna nýju verkefni.
• Halda mig á reyklausum svæðum.
• Fara út og fá mér ferskt loft á hverjum degi.

Gott er að fá bæklinginn Hættur fyrir lífið sendan frá Lýðheilsustöð.

Heimild: Bæklingurinn Hættu fyrir lífið, gefinn út af Krabbameinsfélaginu, Lýðheilsustöð og Landspítala háskólasjúkrahúsi (2006). Hægt er að panta bæklinginn.