Tannáverkar - Fullorðinstennur
Skyndihjálp við áverka á fullorðinstennur (annað gildir oft um barnatennur). Hægt er að bjarga mörgum tönnum með því að bregðast rétt við.
Við áverka á fullorðinstennur er mögulegt að
bjarga þeim ef þú veist hvað á að gera við högg eða slys. (Um barnatennur er meira hér)
EF TÖNNIN BROTNAR:
- Finndu öll tannbrotin
- Farðu strax til tannlæknis
Oftast er hægt að líma tannbrotin á tönnina ef brugðist er fljótt við.
EF TÖNNIN DETTUR ALVEG ÚR:
- Finndu tönnina strax
- Haltu bara um tannkrónuna, ekki rótina
- Ef tönnin er óhrein, skolaðu hana þá örstutt með köldu vatni
- Gerðu síðan eitt af þessu:
A. Reyndu að setja tönnina aftur í holuna (það er langbest)
B. Ef þú getur ekki sett tönnina aftur á sinn stað, settu hana þá í mjólk – alls ekki í kranavatn (kranavatn minnkar líkur á að hægt sé að bjarga tönninni)
C. Ef þú kemst hvergi í mjólk, settu tönnina þá í munninn milli kinnar og tanna, en passaðu vel að hún hrökkvi ekki ofan í þig.
Farðu STRAX til tannlæknis. Best er að komast til tannlæknis á innan við klukkutíma.
MUNDU:
MJÓLK – ekki vatn – fyrir úrslegnar tennur. Sýrustig mjólkur er miklu nær sýrustigi munns en kranavatn og batahorfur tanna sem geymdar hafa verið í mjólk eru því miklu betri.
Farðu STRAX til tannlæknis. Því fyrr sem tannlæknir kemst í málið, þeim mun meiri líkur eru á að hægt sé að líma upp tannbrotin eða bjarga tönn sem hefur dottið úr.
Athugaðu að leita ALLTAF ráða hjá tannlækni SEM FYRST eftir alla áverka á tennur.
Líka ef tönn er laus eða beinið í kringum tennurnar er aumt.
Upplýsingar um neyðarvakt tannlækna á höfuðborgarsvæðinu - helgaropnun og bakvakt
Hér fyrir neðan eru tvö PDF-skjöl með leiðbeiningum um skyndihjálp:
| Tannáverkar - myndrænt Hentar vel yngra fólki |
Tannáverkar Texti og tvær skýringamyndir |
|---|---|
 |
 |
