TANNFRÆÐSLUHORNIÐ

11.1.2006

Í tannfræðsluhorninu er að finna spennandi fræðsluefni fyrir leikskóla- og grunnskólabörn. Tilvalið er fyrir kennara að nýta verkefnin samhliða fræðslu um tannvernd og almenna heilsuvernd, og fyrir foreldra að nýta þau heimavið. Helstu markmið efnisins eru að börn skilji mikilvægi þess að hugsa vel um tennurnar og viti hvað þarf til að hirða tennurnar vel. Einnig að þau læri að gera greinarmun á góðum og slæmum fæðutegundum fyrir tennurnar.

Í Tannfræðsluhorninu er safnað saman fróðleik, kennsluefni og verkefnum um tennur og tannvernd, sem nýst getur öllum sem áhuga hafa.
Kennarar: Til hægðarauka hefur fræðslu- og ítarefni verið raðað eftir skólastigum og aldursflokkum. Sjá hliðval til vinstri.

Desemberföndur og myndir til að lita
- best er að vista myndirnar í tölvunni hjá sér (t.d. á Desktop) og prenta út þaðan. Annars er hætt við að myndirnar verði of stórar til útprentunar.

Tennurnar fara ekki í jólafrí 1 (Smelltu á myndina til að stækka)	Tennurnar fara ekki í jólafrí 2 (Smelltu á myndina til að stækka)
Tann-goggur (föndur) (Smelltu á myndina til að stækka)	Tanngoggurinn samanbrotinn

Lengi býr að fyrstu gerð

• Það eru mikilvæg lífsgæði fyrir hvern einstakling að hafa heilbrigðar tennur og þar skiptir mestu að temja sér hollar neysluvenjur og góða tannhirðu.
• Barnatennur og nýuppkomnar tennur eru sérstaklega viðkvæmar fyrir tannskemmdum.
• Sælgæti sem klístrast við tennurnar, t.d. karamellur, hlaup og lakkrís, er lengi að eyðast af yfirborði tannanna. Á meðan liggja tennurnar í sýrubaði.
• Til þess að draga úr hættu á tannskemmdum ber að hafa í huga að það skiptir meira máli hversu oft við neytum sykurs en hversu mikils magns við neytum.
• Í góðri og nauðsynlegri tannvernd felst að að börn neyti sætinda í algjöru lágmarki í jafnt í dagæslu, skóla og á heimili.
• Gott getur verið að setja reglur um hvaða góðgæti börn mega hafa með sér t.d. í skólann, þegar þau gera sér glaðan dag.

Senda grein