Lýðheilsustöð - Tóbaksvarnir

Reyklausir bekkir fá gjöf

Fri, 25 Mar 2011 14:45:00 +0000

Um 320 bekkir víðsvegar um landið taka þátt í verkefni Lýðheilsustöðvar Reyklaus bekkur. Jafnt og þétt yfir vetrarmánuðina er ákveðin dagskrá í gangi og nýverið var annar útdráttur á meðal þátttökubekkjanna og nokkrir bekkir fengu gjafabréf í Skífuna. Einnig hafa allir nemendur í Reyklausum bekkjum fengið senda litla gjöf.

Færri landsmenn reykja nú en áður

Fri, 14 Jan 2011 08:43:00 +0000

Enn dregur úr reykingum meðal landsmanna. Nýjar tölur yfir umfang reykinga á Íslandi fyrir árið 2010 sýna að tíðni daglegra reykinga fullorðinna heldur áfram að lækka.

Tíðni daglegra reykinga fullorðinna mældist 14,2% á árinu 2010 en var 15.4% árið 2009.

Bagg er bögg - Átak gegn munntóbaksnotkun

Thu, 5 Aug 2010 16:25:00 +0000

„Bagg er bögg“ er nýtt átaksverkefni Jafningjafræðslu Hins hússins, Knattspyrnusambands Íslands og Lýðheilsustöðvar til að sporna við aukinni munntóbaksnotkun hjá ungu fólki. Andlit átaksins eru Alfreð Finnbogason landsliðsmaður í knattspyrnu og Sara Björk Gunnarsdóttir landsliðskona í knattspyrnu ásamt Rúnari Guðbjartssyni og Sigríði Ólafsdóttur.

Reykjalundur hlýtur viðurkenningu vegna tóbaksmeðferðar

Wed, 2 Jun 2010 16:37:00 +0000

Á morgunverðarþingi, sem haldið var í tilefni af Degi án tóbaks 2010, var tilkynnt að Reykjalundur hefði hlotið viðurkenningu, ,,SmokeFreeAward”, í flokki heilbrigðisstarfsmanna en hana hljóta þeir sem með baráttuvilja, framsýni og hugrekki leggja sitt af mörkum í tóbaksvörnum eða tóbaksmeðferð á Íslandi.

Dagur án tóbaks – Konur og reykingar

Thu, 27 May 2010 15:24:00 +0000

Dagur án tóbaks er haldinn 31. maí ár hvert. Sú ánægjulega þróun hefur átt sér stað að frá því mælingar á reykingum hófust hafa aldrei á sama tíma verið uppi jafnmargir Íslendingar sem hafa verið reyklausir allt sitt líf. Þessi þróun á jafnt við um karla sem konur, en ekki síst til að hvetja þær konur sem enn reykja, er þema tóbakslausa dagsins í ár: Konur og reykingar og er boðið til morgunverðarþings til að fjalla um málið í því ljósi.

Reyklaus bekkur 2009-2010
- Úrslit

Mon, 17 May 2010 17:03:00 +0000

Evrópusamkeppni meðal reyklausra 7. og 8. bekkja í skólum landsins skólaárið 2009-2010 er lokið, og úrslit liggja fyrir. Bekkirnir kepptu um lokaverðlaun sem er ferð til Danmerkur fyrir bekkinn sem hlýtur fyrstu verðlaun, og iPod nano fyrir alla nemendur bekkjarins sem hreppir önnur verðlaun. Í ár tóku 290 bekkir, víðsvegar um landið, þátt í keppninni milli reyklausra bekkja. Um 100 lokaverkefni bárust og hafa þau aldrei verið fleiri.

Vefsíða fyrir fagfólk um lífsstílsbreytingar

Wed, 24 Mar 2010 15:56:00 +0000

Opnuð hefur verið vefsíðan frjáls.is sem ætluð er fagfólki, einkum á heilbrigðissviði, þar sem bent er á leiðir til að hvetja og styðja fólk til lífstílsbreytinga. Landlæknir, Geir Gunnlaugsson, opnaði síðuna formlega í dag í Heilsugæslunni í Mjódd að viðstöddu fjölmenni.

Reyklaus 2009 - verðlaunahafi valinn

Wed, 10 Feb 2010 14:49:00 +0000

Reyksíminn og Lýðheilsustöð, í samstarfi við Evrópukeppnina European Network of Quitlines, hafa nú í valið vinningshafa í verðlaunasamkeppnina Reyklaus 2009 og er það Rún Knútsdóttir sem varð fyrir valinu.

Vinningshafar í Munntóbaksleiknum

Thu, 17 Dec 2009 09:13:00 +0000

,,Ekki segja síííís!"

er heitið á tölvuleik sem Lýðheilsustöð lét útbúa sem hluta af fræðslu fyrir ungt fólk um skaðsemi munntóbaks. Þeir sem taka þátt í leiknum eiga möguleika á að vinna bíómiða fyrir tvo á valdar myndir sem sýndar eru í Sambíóunum. Nú hafa verið dregin út nöfn 50 vinningshafa og þau birt hér á síðunni.

Enn dregur úr daglegum reykingum

Wed, 30 Sep 2009 11:08:52 +0000

Undanfarin ár hefur Lýðheilsustöð fengið Capacent-Gallup til að kanna reykingavenjur landsmanna þrisvar yfir árið og sýna niðurstöðurnar fyrir árið 2009 að tíðni daglegra reykinga fullorðinna (15-89 ára) hefur lækkað úr 17,6% árið 2008 í 15,4% nú í ár. Mestu munar að nú reykja mun færri karlar daglega en árið 2008.

Reyklaus bekkur 2009-2010 - skráning hafin

Mon, 28 Sep 2009 11:23:05 +0000

Samkeppnin Reyklaus bekkur er hafin og er hún nú haldin í ellefta sinn hér á landi. Skráning er hafin en allir 7. og 8. bekkir á landinu geta tekið þátt, svo fremi að enginn nemendanna reyki. Skrá þarf bekki í síðasta lagi 6. nóvember 2009.

Ert þú ,,Tóbakslausi maður/kona ársins 2009"?

Thu, 18 Jun 2009 15:04:48 +0000

Reyksíminn og Lýðheilsustöð fara nú af stað með verðlaunasamkeppnina „Reyklaus 2009“ á Íslandi. Þessi keppni var haldin í fyrsta skipti í fyrra en þeir geta tekið þátt sem eru tilbúnir að hætta að reykja, eða eru þegar hættir, og geta miðlað góðri sögu af reynslu sinni sem gæti orðið öðrum hvatning í baráttunni gegn tóbakinu. Góð verðlaun eru í boði.

Styrktarsjóður Lýðheilsustöðvar fyrir ungt fólk án atvinnu sumarið 2009

Wed, 27 May 2009 10:00:59 +0000

Lýðheilsustöð styrkir í sumar ungt atvinnulaust fólk til að vinna að verkefnum sem hafa heilsueflingu og/eða forvarnir að markmiði og stuðla að tóbaksleysi. Til ráðstöfunar verða 5 milljónir króna en miðað er við að einstaklingar geti fengið 50.000 kr. styrk til að vinna verkefni sem stendur yfir í 2 vikur í sumar og að hámarki 150.0000 kr. fyrir verkefni sem stendur yfir í 6 vikur.

NÆSTI UMSÓKNARFRESTUR ER TIL 23. JÚLÍ.

Reyklaus bekkur 2008-09: Úrslit

Wed, 20 May 2009 04:18:01 +0000

Evrópusamkeppni meðal reyklausra 7. og 8. bekkja í skólum landsins er lokið í ár. Bekkirnir kepptu að venju um lokaverðlaun, ferð til Danmerkur fyrir allan bekkinn, auk 2. og 3. sætis. Í ár tóku 324 skólar þátt og 100 lokaverkefni bárust, og hafa þau aldrei verið fleiri. 1. sæti hlaut 8. bekkur Grunnskóla Reyðarfjarðar.

Klínískar leiðbeiningar um meðferð við reykingum

Tue, 31 Mar 2009 02:11:25 +0000

Vakin er athygli á því að út eru komin drög klínískra leiðbeininga um meðferð við reykingum hjá Landlæknisembættinu. Leiðbeiningarnar eru birtar sem drög til umsagna en faglegar athugasemdir þurfa að berast fyrir 6. maí nk.

Verður áramótaheitið í ár til fjár?

Wed, 7 Jan 2009 11:19:06 +0000

Í upphafi nýs árs huga margir að því að breyta lifnaðar-háttum sínum til hins betra, ekki síst að hætta að reykja. Lýðheilsustöð hefur að undanförnu minnt á það, með skilaboðum í fjölmiðlum, að betri árangur næst með því að fá aðstoð við að hætta að reykja. Einnig er minnt á að kostnaðurinn við reykingar er mjög hár.

Heilbrigðisstarfsfólk eflist í tóbaksmeðferð

Fri, 31 Oct 2008 01:26:45 +0000

Í samanburði við aðrar þjóðir standa Íslendingar sig mjög vel í tóbaksvörnum, nema í aðstoð við að hjálpa fólki að hætta að reykja. Þar hefur heilbrigðisstarfsfólk mikilvægu hlutverki að gegna og til að efla það starf þá stendur heilbrigðisstarfsfólki til boða námskeið í tóbaksmeðferð hjá Endurmenntun HÍ 13. og 14. nóvember.

Landsmenn reykja minna en í fyrra

Tue, 21 Oct 2008 11:23:46 +0000

Nýjustu tölur yfir umfang reykinga á Íslandi sýna að dregið hefur úr reykingum á síðustu árum. Lýðheilsustöð fær Capacent-Gallup til að kanna reykingavenjur landsmanna og sýna niðurstöðurnar fyrir árið 2008 að tíðni daglegra reykinga fullorðinna (15-89 ára) hefur lækkað úr 19,0% árið 2007 í 17,6% nú í ár. Þarna munar mest um að færri konur reykja.

Námskeið í tóbaksvörnum fyrir heilbrigðisstarfsfólk

Wed, 15 Oct 2008 11:18:42 +0000

Lýðheilsustöð í samstarfi við Landspítalann, Félag íslenskra lungnalækna, Félag heimilislækna, Félag hjúkrunarfræðinga, Fagdeild heilsugæsluhjúkrunarfræðinga og Tannlæknafélag Íslands stendur fyrir námskeiði í tóbaksvörnum fyrir heilbrigðisstarfsfólk dagana 13. og 14. nóvember.

Vinningshafi evrópsku reykleysisverðlaunanna ,,Reyklaus 2008“

Tue, 19 Aug 2008 16:08:36 +0000

Valinn hefur verið vinningshafi verðlaunasamkeppninnar „Reyklaus 2008“ sem Reyksíminn og Lýðheilsustöð stóðu að.

Starfsfólki á veitingastöðum líður betur

Thu, 17 Jul 2008 14:00:25 +0000

Síðastliðið sumar tóku gildi ný lög sem m.a. vernda starfsfólk á veitinga- og skemmtistöðum á Íslandi gegn því að vinna í reykmettuðu umhverfi. Með lagabreytingunni voru reykingar ekki lengur leyfðar innandyra. Vinnueftirlit ríkisins lét kanna starfsumhverfi og líðan starfsfólksins og sýna niðurstöður að almenn ánægja er á meðal starfsfólks með lagabreytinguna.

Samstarfssamningur Lýðheilsustöðvar og Landspítalans undirritaður

Fri, 4 Jul 2008 11:43:35 +0000

Lýðheilsustöð og Landspítali - Háskólasjúkrahús hafa gengið til samstarfs um að vinna gegn tóbaksnotkun sjúklinga með skipulagðri fræðslu fyrir þá, viðeigandi meðferð og með gerð fræðsluefnis fyrir starfsfólk á sjúkrahúsinu.

Hlutu viðurkenningu fyrir starf sitt að tóbaksvörnum

Fri, 30 May 2008 14:55:13 +0000

Alþjóðlegi dagurinn án tóbaks er haldinn 31. maí ár hvert og í ár er þema dagsins Tóbakslaus framtíð. Í tilefni af deginum efndi Lýðheilsustöð til málþings í morgun þar sem m.a. var í fyrsta sinn veitt sérstök viðurkennig fyrir starf í þágu tóbaksvarna á Íslandi. Viðurkenninguna hlutu þeir Þorvarður Örnólfsson, Pétur Heimisson og Jóhannes Jónsson.

Tóbakslausi dagurinn 2008 - Tóbakslaus framtíð

Tue, 27 May 2008 16:13:58 +0000

Lýðheilsustöð býður til málþings á Grand hóteli föstudaginn 30. maí kl. 8:15-10:00. Á þinginu mun heilbrigðisráðherra afhenda þeim viðurkenningu sem þykja hafa skarað fram úr í tóbaksvörnum og tóbaksmeðferð á Íslandi.

Reyklaus bekkur 2008 - úrslit

Fri, 16 May 2008 11:46:05 +0000

Evrópusamkeppni meðal reyklausra 7. og 8. bekkja í skólum landsins er lokið í ár. Að venju keppa bekkirnir um lokaverðlaun, ferð til Danmerkur fyrir allan bekkinn. Dómnefnd mat þau rúmlega 70 lokaverkefni sem bárust og niðurstaðan liggur fyrir: Vinningshafi er 7. ÞEG í Hlíðaskóla.

Viðurkenning til baráttufólks gegn tóbaki - óskað eftir tilnefningum

Wed, 7 May 2008 09:56:37 +0000

Alþjóðlegi tóbakslausi dagurinn er haldinn 31. maí ár hvert. Í tilefni af deginum í ár ætla ætla Reyksíminn og Lýðheilsustöð að veita viðurkenningu þeim einstaklingi eða hópi sem með baráttuvilja, framsýni og hugrekki hefur lagt sitt af mörkum í tóbaksvörnum eða tóbaksmeðferð þeirra sem heyja baráttu við tóbakið.

Rannsókn um reykingavenjur fólks á Íslandi

Fri, 18 Apr 2008 11:20:24 +0000

Frá árinu 1985 hafa árlega verið gerðar rannsóknir á reykingum Íslendinga. Niðurstöður þessara rannsókna sýna að verulega hefur dregið úr reykingum á Íslandi undanfarin rúm 20 ár[1]. Þessi þróun er í samræmi við þróunina í nágrannalöndum okkar. Þessar rannsóknir hafa nýst til að fylgjast með þróun reykinga á Íslandi á þessu tímabilinu útfrá kyni og aldri. Hins vegar hafa íslenskar rannsóknir ekki fjallað nægjanlega mikið um hvað einkennir það fólk sem tekur ákvörðun um að hætta að reykja, þá sem tekst að hætta að reykja og hvaða leiðir hafa verið notaðar, t.d. hvort eða hvernig aðstoð fólkið hefur fengið.

Reyklaus bekkur - tilkynning um vinningshafa og áminning um lokaskiladag

Thu, 3 Apr 2008 15:48:27 +0000

Nemendur í reyklausum bekkjum vinna geisladiska. Um er að ræða gjafabréf frá Skífunni að verðmæti 2.500 krónur. Bekkirnir sem dregnir voru út eru :

Tíðni reykinga árið 2007

Fri, 22 Feb 2008 14:10:32 +0000

Lýðheilsustöð lætur árlega kanna tíðni reykinga meðal Íslendinga. Samantekt úr þeim fjórum úrtakskönnunum sem gerðar voru af Capacent – Gallup árið 2007 liggja nú fyrir. Helstu niðurstöður eru eftirfarandi:

Almenn ánægja með reyklaus veitingahús - niðurstaða könnunar

Tue, 19 Feb 2008 14:00:39 +0000

Veitinga- og skemmtistaðir á Íslandi hafa verið reyklausir frá því breytingar á tóbaksvarnalögum tóku gildi 1. júní 2007. Nú liggja fyrir niðurstöður könnunar, sem gerð var sl. haust, á viðhorfi fólks til þessara breytinga. Almennt sýna niðurstöðurnar að fólk er ánægt og finnst betra að koma á þessa staði eftir breytingu þar sem andrúmsloftið hefur batnað svo mikið – og þar af leiðandi einnig vinnuaðstæður fólks á þessum stöðum.