Reyklaus 2009 - verðlaunahafi valinn
Reyksíminn og Lýðheilsustöð, í samstarfi við Evrópukeppnina European Network of Quitlines, hafa nú í valið vinningshafa í verðlaunasamkeppnina Reyklaus 2009 og er það Rún Knútsdóttir sem varð fyrir valinu.
Reyksíminn og Lýðheilsustöð, í samstarfi við Evrópukeppnina European Network of Quitlines, hafa nú í valið vinningshafa í verðlaunasamkeppnina Reyklaus 2009. Þetta er í annað sinn sem staðið er fyrir þessari samkeppni á Íslandi. Auglýst var eftir reynslusögum frá fólki sem hafði hætt að reykja á tímabilinu 1.janúar 2008 til 30.júní 2009 - og í lok árs 2009 þurfti fólkið að hafa verið reyklaust í a.m.k. sex mánuði.
Sögur bárust frá um 70 einstaklingum og var saga Rúnar Knútsdóttur valin besta sagan. Verður sú reynslusaga framlag Íslands í Evrópukeppninni sem fram fer í Barcelona, 27. febrúar til 1. mars. Þar verður valin besta sagan frá þeim Evrópulöndum sem taka þátt. Í verðlaun er Rún boðið, ásamt fylgdarmanni, til Barcelona auk þess sem hún hlýtur 50.000 kr. Í farareyri.
Til mikils að vinna að vera reyklaus
Í keppninni taka þátt 19 Evrópulönd og þar kemur í ljós hver vinnur Evrópukeppnina (Quitter of the year). Sá sem vinnur þá keppni hlýtur ferðaávísun að upphæð 5000 evrur og sá í öðru sæti ferðaávísun að upphæð 2000 evrur. Það er því til mikils að vinna fyrir fyrrum reykingafólk, þótt stærsti vinningurinn sé auðvitað reyklaust líf og þar af leiðandi betri heilsa.