Námskeið í tóbaksvörnum fyrir heilbrigðisstarfsfólk
Námskeiðinu er ætlað að veita heilbrigðisstarfsfólki hagnýta þekkingu og kunnáttu í að aðstoða fólk við að hætta að nota tóbak. Kynntar verða nýjungar í tóbaksvörnum og faraldsfræði tóbaksnotkunar. Farið verður yfir helstu þætti tóbaksvarna meðal annars skaðsemi, ávinninginn af því að hætta að nota tóbak, tóbaksfíkn, reykleysislyf, hegðunarbreytingar og kynnt verðru hugmyndafræði í áhugahvetjandi samtalstækni.
Kennarar/fyrirlesarar eru sérfræðingar í læknisfræði, sálfræði og heilbrigðisvísindum. Kennslan samanstendur af fyrirlestrum, umræðum. Markmiðið er að efla heilbrigðisstarfsfólk sem sinnir tóbaksvörnum, eða hefur áhuga á því, þannig að það geti af öryggi og faglegri hæfni hvatt og aðstoðað fólk til að hætta tóbaksnotkun.
Dagskrá
Fimmtudagurinn 13. nóvember kl.10:00-17:00 í Neskirkju
Námskeið sett: Þórólfur Þórlindsson, forstjóri Lýðheilsustöðvar
Tóbaksfíknin: Þorsteinn Blöndal, prófessor við Miðstöð í lýðheilsuvísindum, HÍ
Fráhvarfseinkennin: Þorsteinn Blöndal, prófessor við Miðstöð í lýðheilsuvísindum, HÍ
Skaðsemin: Hans Jakob Beck, yfirlæknir lungnasviðs á Reykjalundi
Reykleysislyf: Sigurður Þór Sigurðsson, sérfræðingur í lyflækningum og lungnasjúkdómum á Heilbrigðisstofnun Suðurnesja
Reykleysismeðferðir: Guðrún Árný Guðmundsdóttir, verkefnisstjóri Reyksímans og Kristján Guðmundsson, yfirlæknir, Glæsibæ. Samantekt á þeim úrræðum sem nú eru í boði, t.d. Reyksími og Reyklaus.is
Áhrif tóbaksnotkunar á vefi í munnholi: Sigurjón Arnlaugsson, lektor við Tannlæknadeild HÍ
Föstudagurinn 14. nóvember kl. 9:00-16:00 Endurmenntun HÍ
Hegðunarbreytingarnar: Sveinbjörn Kristjánsson, verkefnisstjóri hjá Lýðheilsustöð
Hagnýtar sálfræðikenningar/módel þegar unnið er með lífsstílsbreytingar og fíkn með áherslu á reykbindindi: Ásgeir Helgason, dósent í sálfræði
Samtalstækni – hagnýt hugmyndafræði: Sveinbjörn Kristjánsson og Héðinn S. Björnsson verkefnastjórar hjá Lýðheilsustöð
Námskeiðið kostar 33.900 kr. en nánari upplýsingar og skráning hjá Endurmenntun eða í síma 525 4444.