Lýðheilsustöð - Slysavarnir

Höfuðmeiðsl eru meginorsök dauðaslysa og alvarlegs líkamstjóns á skíðasvæðum

Tue, 23 Nov 2010 10:55:00 +0000

Lýðheilsustöð tekur undir hvatningu Euro Safe um að stjórnvöld og stjórnendur skíðasvæða beiti sér fyrir því að allir sem nýta sér skíðasvæði hlíti skilyrðislaust þeirri reglu að vera með hjálm á höfði.
Á hverju ári slasast þúsundir manna við iðkun vetraríþrótta í Evrópu. Talið er að meðal þeirra sem iðka snjóbrekkuíþróttir í Evrópusambandinu verði á hverju 300.000 slys sem sinna þarf á spítölum, þar á meðal 170.000 skíðaslys og 90.000 snjóbrettaslys ⁽¹⁾.

Seltjarnarnesbær undirritar fyrstur samning um Öruggt samfélag

Thu, 28 Oct 2010 16:10:00 +0000

Seltjarnarnesbær varð í dag fyrst íslenskra sveitarfélaga til að ganga formlega til liðs við verkefni Alþjóða heilbrigðismálastofnunarinnar (WHO) og Lýðheilsustöðvar um Öruggt samfélag, þegar bæjarstjóri Seltjarnarness, Ásgerður Halldórsdóttir, og forstjóri Lýðheilsustöðvar, Margrét Björnsdóttir, undirrituðu samning þar um.

Efni ráðstefnunnar Öruggt samfélag komið á vefinn

Mon, 7 Jun 2010 15:59:00 +0000

Lýðheilsustöð, og fleiri, stóðu fyrir Evrópsku ráðstefnunni Öruggt samfélag í maí sl. Nú hafa fyrirlestrar frá ráðstefnunni verið settir á vefsíðu Lýðheilsustöðvar ásamt tali allra aðalfyrirlesaranna.

Öruggt samfélag – Seltjarnarnes fyrsta sveitarfélagið til að taka þátt

Tue, 18 May 2010 10:22:00 +0000

Á morgun hefst á Grand hóteli alþjóðleg ráðstefna Lýðheilsustöðvar og fleiri um örugg samfélög. Á ráðstefnunni verður m.a. athöfn þar sem gengið er frá því formlega að Lýðheilsustöð sé miðstöð fyrir Örugg samfélög á Íslandi. Nýverið samþykkti Seltjarnarnesbær að starfa í anda Öruggs samfélags og er fyrsta bæjarfélagið á Íslandi sem það gerir.

Áfengi, slys og obeldi - morgunverðarfundur

Wed, 4 Nov 2009 13:01:00 +0000

Lýðheilsustöð, slysavarnaráð og áfengis- og vímuvarnaráð boða til morgunverðarfundar um slys og ofbeldi í tengslum við áfengisneyslu. Fundurinn er öllum opinn.

Skrá þarf þátttöku fyrir 10. nóvember á: www.lydheilsustod.is/skraning

Fyrirlestrar um ofbeldi og slys á börnum komnir á vefinn

Tue, 31 Mar 2009 03:10:12 +0000

Morgunverðarfundur Lýðheilsustöðvar-slysavarnaráðs var haldinn á Grand hóteli 25. mars sl. fyrir fullu húsi og nú eru fyrirlestrar sem haldnir voru á fundinum komnir á vefsíðuna.

Spörum ekki í öryggismálum

Tue, 28 Oct 2008 13:03:11 +0000

Núna þegar þjóðin stendur frammi fyrir efnahagsþrengingum sem hafa áhrif á allt samfélagið er mikilvægt að huga að öllum þáttum sem snerta velferð fólks, þar með talið eru öryggismál.

„Göngum í skólann“- verkefnið er hafið á ný

Thu, 11 Sep 2008 11:38:18 +0000

„Göngum í skólann“ verkefnið er hafið í annað sinn á Íslandi. Meginmarkmið verkefnisins eru að hvetja nemendur og foreldra á Íslandi til að ganga hjóla eða fara á annan hátt til og frá skóla.

Áhættuhegðun ungra ökumanna - Morgunverðarfundur 9. september

Tue, 2 Sep 2008 02:37:08 +0000

Lýðheilsustöð/slysavarnaráð og Umferðarráð standa fyrir morgunverðarfundi um áhættuhegðun ungra ökumanna, þriðjudaginn 9. september kl. 8 -10 á Grand Hóteli. Tveir hollenskir sérfræðingar auk sérfræðings frá Umferðarstofu munu halda fyrirlestra og tækifæri gefst til fyrirspurna og umræðna.

Viðbætur 12.9.: Útdráttur úr fyrirlestrum og efni fundarins.

Öryggisins vegna er ekki mjög mikill munur á 2+1 eða 2+2 vegum

Wed, 6 Feb 2008 12:57:22 +0000

Lýðheilsustöð stóð fyrir morgunverðarfundi slysavarnaráðs á Grand hóteli í morgun með yfirskriftinni ,,2+2 EÐA 2+1 VEGIR: Öryggi vegfarenda – kostnaður samfélagsins – erum við á réttri leið?” Góð þátttaka var í fundinum og skiptust menn á skoðunum um ágæti þessara vegakerfa. Ekki var þó laust við að tónninn í garð 2+1 vega væri jákvæðari, sérstaklega með tilliti til öryggis miðað við kostnað.

Morgunverðarfundur Slysavarnaráðs

Thu, 31 Jan 2008 11:22:45 +0000

Miðvikudaginn 6. febrúar nk. verður áhugaverður morgunverðarfundur sem Slysavararáð efnir til og ber heitið „2+2 eða 2+1 vegir: Öryggi vegfarenda - kostnaður samfélagsins - erum við á réttri leið?“. Fundurinn verður haldinn á Grand Hóteli.

Slysavarnaráð ályktar um breytingu á áfengislögum

Fri, 4 Jan 2008 11:54:19 +0000

Á fundi sínum í desember samþykkti slysavarnaráð umsögn um frumvarp til breytinga á lögum um áfengi þar sem ráðið lýsir m.a. yfir áhyggjum sínum um að hugsanlega geti fyrirhugaðar breytingar leitt til enn fleiri slysa og ofbeldisverka í samfélaginu.

Aukin andleg, líkamleg og félagsleg færni aldraðra stuðlar að fækkun slysa

Thu, 26 Oct 2006 15:18:00 +0000

Slysavarnaráð hélt sitt 7. landsþing 19. október 2006 undir yfirskriftinni ,,Slysavarnir aldraðra”.