Aukin andleg, líkamleg og félagsleg færni aldraðra stuðlar að fækkun slysa
Frá 7. landsþingi Slysavarnaráðs
Slysavarnaráð hélt sitt 7. landsþing 19. október 2006 undir yfirskriftinni ,,Slysavarnir aldraðra”.
Eftirfarandi ályktun var borin upp til samþykktar á landsþinginu:
7. landsþing slysavarnaráðs sem fjallaði um slysavarnir eldri borgara ályktar að mikill og vaxandi fjöldi slysa
þeirra sé hinum aldraða, fjölskyldunni og samfélaginu dýrkeypt vandamál. Til þess að fækka slysum og draga úr afleiðingum þeirra er árangursríkast að leggja enn meiri áherslu á forvarnir aldraðra sem auka andlega, líkamlega og félagslega færni þeirra. Landsþingið skorar á stjórnvöld að leggja aukna áherslu á þennan málaflokk.
Viðfangsefni þessa 7. landsþings slysavarnaráðs var helgað slysavörnum aldraðra og var þar haldinn fjöldi áhugaverðra erinda um þetta brýna málefni. Meðal annars var um áverka meðal aldraðra, tíðni, tegundir og alvarleika. Þá voru erindi um helstu orsakir slysa meðal aldraðra og um aldraða og umferðarslys. Einnig var fjallað um kostnað vegna slysa hjá öldruðum – þátt sjúkrahúsþjónustu. Jens Lauritsen, yfirlæknir við háskólasjúkrahúsið í Óðinsvéum sagði frá uppbyggingu svæðisbundinna forvarnaaðgerða vegna slysa aldraðra og hlutverki yfirvalda, sjúkrahúsa og aldraðra í slíku starfi.
Hægt er að nálgast nokkur erindanna sem flutt voru hér fyrir neðan:
Að eiga aldraða foreldra - Dr. Erla S. Grétarsdóttir
Áverkar aldraðra - tíðni, tegundir og alvarleiki - Brynjólfur Mogensen
Gildi heilsueflingar aldraðra - Dr. Erlingur Jóhannsson
Aldraðir og umferðarslys - Ágúst Mogensen
Tryggjum öldruðum öryggi - Herdís L. Storgaard
Orsakir slysa meðal aldraðra - Ólafur Þór Gunnarsson
Heimaslys eldri borgara - Sigrún A. Þorsteinsdóttir
Responsibility and possibilities - Elements for inspiration in the role of regions, municipalities, hospitals, general practice, local areas and the individual elderly- Jens Lauritsen