Næring og holdafar
Lykillinn að hollum skólamat - handbækur fyrir leikskólaeldhús og grunnskólamötuneyti
Nú þegar líða tekur að hausti og grunnskólar og leikskólar eru að fara í gang eftir sumarfrí vill Lýðheilsustöð minna á hve mikilvægt er að sá matur sem börnum og unglingum stendur til boða sé hollur og næringarríkur. Lýðheilsustöð mælir með því að eldhús í grunn- og leikskólum nýti sér Handbók fyrir skólamötuneyti eða Handbók fyrir leikskólaeldhús sem Lýðheilsustöð gaf út.
Í handbókunum eru hagnýtar ábendingar um hollustu og samsetningu fæðunnar, matseðlagerð, matreiðslu, sérfæði, hreinlæti og innkaup. Einnig er kynnt fyrirmynd að æskilegri samsetningu máltíða sem kölluð er Diskurinn. Auk þessa er í henni tillaga að matseðli ásamt uppskriftum. Handbókunum fylgir líka veggspjald, til að hengja upp í eldhúsinu, með helstu minnispunktum úr bókinni .
Panta handbækur
Eigi skólinn ekki handbók þá er hægt að panta eintak í gegnum vefsíðuna:
Fyrir grunnskóla: http://www.lydheilsustod.is/utgafa/pontunarform/1/362/1
Fyrir leikskóla: http://www.lydheilsustod.is/utgafa/pontunarform/1/1191/1