Vítamín og steinefni - fræðslubanki
Lýðheilsustöð og Matvælastofnun hafa opnað vefsíðu með upplýsingum og fræðslu um helstu vítamín og steinefni: www.lydheilsustod.is/vitamin
Vítamín og steinefni eru nauðsynleg fyrir vöxt og viðhald heilbrigðs líkama. Upplýsingum og ráðleggingum fræðslubankans er ætlað að hjálpa neytendum við að átta sig á þörf sinni fyrir þessi efni og hvernig hægt er að uppfylla hana með fjölbreyttu fæði.
Á síðunni eru m.a. svör við eftirfarandi spurningum:
- Hvað eru vítamín?
- Hvað eru steinefni?
- Hvað eru ráðlagðir dagskammtar?
- Hvað gerist ef ekki er neytt nægilegs magns af vítamínum og steinefnum?
- Hvernig er ástandið á Íslandi?
- Hámarksskammtar vítamína og steinefna.
Sérstaklega er fjallað um A-vítamín, beta-karótín, D, E, C, B6 og B12 vítamín, þíamín, ríbóflavín, níasín og fólat og steinefnin kalk, járn, joð og selen.
Samstarf tveggja stofnana
Efni síðunnar er unnið af starfsmönnum Matvælastofnunar og Lýðheilsustöðvar:
Brynhildur Briem, Matvælastofnun
Zulema Sullca Porta, Matvælastofnun og Hólmfríði Þorgeirsdóttur, Lýðheilsustöð.
Hnappur fyrir vefsíðuna
Hægt er að nota hnappinn (myndina) efst á síðunni sem hnapp í vítamínsíðuna vilji menn hafa tengingu í hana á eigin vefsíðu.