Prótein-neysla á Íslandi rífleg
Þegar kemur að kolvetnum er neysla þeirra undir ráðleggingum eða um 45% orkunnar en ráðlagt er að úr kolvetnum fáist um 50-60% af orkunni. Viðbættur sykur er hins vegar óvenju mikill, sérstaklega meðal ungs fólks eða um 18% orkunnar en talið er æskilegt að viðbættur sykur fari ekki yfir 10%. Aukin neysla grófra brauða og annars trefjaríks kornmatar er hins vegar talin æskileg með hollustuna í huga.
„Diskurinn“
Matardiskurinn eða „diskurinn“ hefur verið notaður til að sýna á einfaldan hátt hvernig hægt er að setja saman góða og holla máltíð með því að skipta matardisknum í þrjá jafnstóra hluta. Gert er ráð fyrir að einn þriðjungur af diskinum séu grænmeti eða ávextir, annar kolvetnarík matvæli, helst gróft og trefjaríkt kornmeti eða kartöflur, og sá þriðji próteinrík matvæli, svo sem fiskur, kjöt, egg eða baunir. Það jafngildir ekki því að þriðjungur disksins eigi að vera prótein.
Benda má á að ráðleggingar um mataræði er að finna hér á heimasíðu Lýðheilsustöðvar og einnig niðurstöður rannsókna á mataræði Íslendinga.