Látum hjólin snúast – Ráðstefna um heilbrigðar samgöngur 11. maí
Landssamtök hjólreiðamanna standa fyrir ráðstefnunni Látum hjólin snúast - ráðstefna um heilbrigðar samgöngur á Grand Hótel Reykjavík, fimmtudaginn 11. maí. Ein þeirra spurninga sem leitað verður svara við á ráðstefnunni er: Hvert er heilsufarslegt mikilvægi hjólreiða?Ráðstefnan stendur frá kl. 13 til 17 fimmtudaginn 11. maí og er öllum opin endurgjaldslaust
- en þátttakendur eru vinsamlegast beðnir að skrá sig hérna:
|
DAGSKRÁ |
|---|
 |
Markmiðið ráðstefnunnar er að leita svara við spurningum eins og:
- Hvert er heilsufarslegt mikilvægi hjólreiða?
- Hversu margir eru að nota hjólreiðar sem samgöngumáta og hvernig stöndum við miðað við aðrar þjóðir?
- Hvað er nú þegar verið að gera til að stuðla að auknum hjólreiðum á Íslandi?
- Er mögulegt að auka hjólreiðar á Íslandi?
- Hvernig er það mögulegt?
Í lok ráðstefnunnar verða pallborðsumræður þar sem öllum þingflokkum er boðið að svara spurningunni: ,,Er einkabíllinn búinn að sigra?"
Erlendir fyrirlesarar
Dr. Carlos Dora er læknir og starfar hjá Alþjóðaheilbrigðismálastofnuninni (WHO). Þar hefur hann m.a. stýrt mati á hvernig stefnumótun í samgöngu-, orku- og landbúnaðarmálum hefur áhrif á heilbrigði. Áður starfaði dr. Carlos Dora við faraldsfræðirannsóknir hjá London School of Hygiene.
Thomas Krag er með meistaragráðu í efnaverkfræði og þekktur ráðgjafi varðandi hjólreiðar. Thomas hefur m.a. unnið með dönskum stjórnvöldum, evrópsku hjólreiðasamtökunum (ECF) og var á tímabili framkvæmdastjóri dönsku hjólreiðasamtakanna.