Lýðheilsustöð - Geðrækt

Velgengni og vellíðan – veggspjöld komin

Thu, 13 Jan 2011 08:38:00 +0000

Geðorðin 10, sem byggð eru á niðurstöðum rannsókna um hvað einkennir þá sem búa við velgengni og vellíðan í lífinu, hafa náð umtalsverðum vinsældum hér á landi. Lýðheilsustöð gaf út bókina Velgengni og vellíðan - um geðorðin 10 og nú eru komin út veggspjöld með myndum úr þessari fallegu bók.

„Vinir Zippýs“ - Kennarar 122ja grunn- og leikskóla hafa sótt námskeiðin

Mon, 20 Dec 2010 13:22:00 +0000

Lífsleikninámsefnið Vinir Zippýs eða „Zippy´s friends“ er alþjóðlegt forvarnarverkefni á sviði geðheilsu fyrir ung börn.
Á nýliðnu hausti hafa verið haldin 8 kennaranámskeið fyrir námsefnið á höfuðborgarsvæðinu. Þrjú þessara námskeiða tengdust landsbyggðinni í gegnum fjarfundabúnað og voru Akureyri, Ísafjörður og Grundarfjörður á hinum endanum.

10. október - alþjóðageðheilbrigðisdagurinn

Mon, 4 Oct 2010 13:47:00 +0000

Árlega er 10. október helgaður geðheilbrigðismálum um allan heim. Á Íslandi hefur í áranna rás verið haldið upp á daginn með margvíslegu móti og í ár verður haldið upp á daginn í göngugötunni í Mjódd. Þema ársins er: Geðheilsa og langvinn veikindi: þörf fyrir samfellda og samhæfða þjónustu.

Geðheilbrigði barna – fræðsluefni

Thu, 14 Jan 2010 14:21:00 +0000

Út eru komnir tveir fræðslubæklingar um geðheilbrigði barna, annar ætlaður unglingum og hinn aðstandendum barna og unglinga. Bæklingarnir eru unnir á vegum Barna- og unglingageðdeildar Landspítala (BUGL) í samstarfi við Lýðheilsustöð og Landlæknisembættið. Þeir verða kynntir í fyrsta sinn á árlegri ráðstefnu BUGL ,,Snemma beygist krókurinn - Bjargráð og þjónusta í nærumhverfi" sem haldinn er föstudaginn 15. janúar, kl. 08.15-16.15, í Þróttarsalnum, Engjavegi 7 í Laugardal.

Alþjóðageðheilbrigðisdagurinn 10. október

Mon, 5 Oct 2009 10:30:34 +0000

10. október ár hvert er haldið upp á alþjóðageðheilbrigðisdaginn með ýmsum viðburðum tengdum málefnum geðheilbrigðis. Yfirskrift dagsins í ár er: Öflugri og aðgengilegri geðheilbrigðisþjónusta. Í tilefni af deginum er efnt til hátíðarhalda í Mjódd í Breiðholti laugardaginn 10. október og hefst dagskráin kl. 13.

Heilsuvika og Geðveikir dagar

Mon, 21 Sep 2009 12:48:09 +0000

Það fer í vöxt að sveitarfélög standi fyrir heilsuátaki í ákveðinn tíma og hvetji þá íbúa til að taka þátt í heilsueflandi atburðum. Oftar en ekki er leitað til Lýðheilsustöðvar með fræðsluefni og fagnar stöðin slíkum tækifærum til að koma að eflingu heilsu í sveitarfélögum. Nú stendur yfir heilsu- og forvarnavika í Reykjanesbæ og meðal atburða eru Geðveikir dagar þar sem geðorðin 10 eru í hávegum höfð.

Hlúðu að því sem þér þykir vænt um - Geðheilbrigðisdagurinn 2008 -

Tue, 7 Oct 2008 09:46:18 +0000

Alþjóða geðheilbrigðisdagurinn er haldinn 10. október ár hvert. Í ár er yfirskrift dagsins á Íslandi: „Hlúðu að því sem þér þykir vænt um“ og verður athyglinni einkum beint að ungu fólki. Viðamikil og skemmtileg dagskrá verður í tilefni af deginum og stendur hún yfir frá 6. - 10. október. Að auki hefur verið opnuð sérstök heimasíða geðræktardagsins: www.10okt.com

Bókin Velgengni og vellíðan komin á metsölulista

Fri, 29 Feb 2008 13:35:53 +0000

Bókin Velgengni og vellíðan - um geðorðin 10 kom út á vegum Lýðheilsustöðvar í desember sl. Strax í upphafi hlaut hún mjög góðar viðtökur og nú berast þau ánægjulegu tíðindi að bókin sé í 5. sæti yfir söluhæstu fræði- og handbækurnar í Eymundsson, bókaverslun.

Velgengni og vellíðan

Mon, 17 Dec 2007 10:16:01 +0000

Lýðheilsustöð kynnir nýútgefna bók sína Velgengni og vellíðan - Um geðorðin 10 í Borgarbókasafninu, Tryggvagötu, í hádeginu í dag og við sama tækifæri tekur heilbrigðisráðherra, Guðlaugur Þór Þórðarson, formlega við eintaki af bókinni. Kynningarfundurinn er öllum opinn.

Alþjóða geðheilbrigðisdagurinn er í dag - 10. október

Wed, 10 Oct 2007 09:25:00 +0000

Í tilefni dagsins er haldin þverfagleg ráðstefna í Ráðhúsi Reykjavíkur, minningarathöfn Í Hallgrímskirkju og kertafleyting við Tjörnina. Lýðheilsustöð lét þýða geðorðin 10 á 6 tungumál í tilefni af deginum og þeim áherslum sem lagðar eru í ár: alþjóðavæðing og menningarlegur margbreytileiki.

Geðorðin 10 á átta tungumálum

Mon, 24 Sep 2007 14:28:34 +0000

Í tilefni af alþjóða geðheilbrigðisdeginum, 10. október, sem að þessu sinni er helgaður geðheilsu í heimi þar sem fólk af mörgum þjóðernum býr saman á einum stað, hefur Lýðheilsustöð látið þýða geðorðin 10 á sex tungumál og eru þau nú til á alls átta tungumálum.

Ný hugsun í geðheilbrigðismálum - Ráðstefna 10. október

Mon, 9 Oct 2006 15:24:49 +0000

Í tilefni Alþjóða geðheilsbrigðisdagsins 10. október 2006, stendur Lýheilsustöð, ásamt fleiri aðilum, fyrir ráðstefnu á Grand hóteli Reykjavík, kl. 8-16. Ráðstefnan ber yfirskriftina Ný hugsun í geðheilbrgiðismálum, en yfirskrift Alþjóða geðheilhrigðisdagsins að þessu sinni er: Vaxandi vitund - aukin von: Saman eflum við geðheilbrigði og drögum úr sjálfsvígum.

Fulltrúi notenda ráðinn á geðsvið LSH

Tue, 14 Mar 2006 11:09:17 +0000

Stórt skref til framfara var stigið í málefnum geðsjúkra nú á dögunum þegar fulltrúi notenda á geðsviði var ráðinn á Landspítala háskólasjúkrahús. Tilgangurinn er m.a. að efla notendaþekkingu starfsfólks á geðsviði sjúkrahússins.

Yfir 100 þúsund seglum með Geðorðunum 10 dreift til landsmanna

Thu, 8 Dec 2005 08:54:00 +0000

Að undanförnu hefur verið að berast inn á heimili landsmanna segulspjald með Geðorðunum 10. Um er að ræða eins konar jólagjöf frá Lýðheilsustöð og sveitarfélögum í landinu. Alls lét Lýðheilsustöð framleiða rúmlega 100.000 segulspjöld.

Ráðstefna um geðheilbrigðismál 7. október

Tue, 4 Oct 2005 14:33:53 +0000

Hluti dagskrár í tilefni af alþjóða geðheilbrigðisdeginum er ráðstefna á Hótel Loftleiðum föstudaginn 7. október kl. --Sérstök athygli er vakin á fyrirlestri Chris Bale, framkvæmdastjóra samtakanna Partnership for Children en þar segir hann m.a. frá verkefninu Vinir Zýppí sem nýhafið er hjá Lýðheilsustöð.

Að vera manneskja - fræðsluerindi í Gerðubergi í dag

Tue, 4 Oct 2005 08:44:21 +0000

Í tilefni Alþjóðlega geðheilbrigðisdagsins, 10. október 2005, verður starfsfólk geðsviðs Reykjalundar með fræðsluerindi í Gerðubergi þann 4. október, kl. 14:00 og 16:30. Erindi er ætlað öllum sem áhuga hafa og er það hluti fræðslu sem boðin er í endurhæfingardagskrá Reykjalundar undir yfirskriftinni „Að vera manneskja“.

Geðorðin 10 á strætisvögnum í Reykjavík

Tue, 27 Sep 2005 08:40:40 +0000

Frá og með 23. september birtast Geðorðin 10 á öllum strætisvögnum í Reykjavík, eitt geðorð á hverjum vagni, og verða geðorðin á vögnunum í einn mánuð.

Geðhlaupið 8. október

Mon, 26 Sep 2005 09:36:11 +0000

Alþjóða geðheilbrigðisdagurinn er 10. október og í tilefni af honum er fjölbreytt dagskrá til að minna okkur á að það er engin heilsa án geðheilsu. Einn liður þar í er Geðhlaupið í Nauthólsvík 8. október.

Það er engin heilsa án geðheilsu

Mon, 19 Sep 2005 01:41:34 +0000

Alþjóða geðheilbrigðisdagurinn er 10. október, en í tengslum við daginn er um allan heim ýmislegt á dagskrá til að vekja athygli á geðheilbrigðismálum. Síðastliðið ár var yfirskrift alþjóða geðheilbrigðisdagsins „Tengslin milli líkamlegrar og andlegrar heilsu” og byggir þema dagsins í ár á þeirri yfirskrift með áherslunni „Andleg og líkamleg heilsa yfir æviskeiðið”. Markmiðið er að vekja fólk til vitundar um að tengslin milli andlegrar og líkamlegrar heilsu eru órjúfanleg.

Alþjóða geðheilbrigðisdagurinn 10. október og annað geðheilbrigðisstarf

Fri, 26 Aug 2005 14:00:52 +0000

Alþjóða geðheilbrigðisdagurinn er 10. október og í tengslum við hann er margþætt dagskrá framundan. Lýðheilsustöð, Geðhjálp, Rauði krossinn og Landlæknisembættið hafa gert með sér samkomulag um samstarf að geðheilbrigðsismálum sem m.a. lýtur að námskeiðshaldi fyrir aðstandendur geðsjúkra, og fleiri, í öllum landsfjórðungum. Næsta námskeið verður í Borgarnesi 3. september.

Geðheilsa og offita

Thu, 11 Aug 2005 11:22:40 +0000

Í 7. tbl. Læknablaðsins, 91. árg. 2005, er áhugaverð umfjöllun Kristins Tómassonar, læknis, um tengsl geðheilsu og offitu. Kristinn bendir þar m.a. á að ekki sé síður mikilvægt að vera vakandi fyrir þeim áhrifum sem það hefur á offeitan einstakling að mæta sífellt neikvæðu viðhorfi frá samferðamönnum sínum, jafnt á vinnustað sem annars staðar, eins og þeim neikvæðu áhrifum sem offita hefur á líkamann.

Rúmur helmingur unglinga veit nú hvað geðheilsa er

Mon, 8 Aug 2005 11:02:45 +0000

Töluverð breyting hefur orðið á hugmyndum unglinga um geðheilsu frá árinu 2001 til ársins í ár – mun fleiri unglingar vita hvað geðheilsa er eða um 52% samanborið við 22% árið 2001. Þetta kemur fram í nýrri könnun Dóru Guðrúnar Guðmundsdóttur á þekkingu nemenda í Vinnuskóla Reykjavíkur á geðheilbrigði.

„Vinir Zippý“ námsefnið á Íslandi

Wed, 27 Jul 2005 11:26:13 +0000

Hjá LýðheilsustöðVinir er að hefjast verkefnið Vinir Zippý eða „Zippy´s Friends“ sem er forvarnarverkefni á sviði geðheilsu fyrir börn (geðrækt fyrir börn). Um er að ræða námsefni ætlað 6-7 ára börnum sem notað hefur verið með góðum árangri víða um heim. Í vetur verður íslenska þýðing námsefnisins forprófuð á þremur stöðum.

Lítill hluti fer til forvarna!

Fri, 2 May 2003 10:38:19 +0000

Samkvæmt Landlækni, Sigurði Guðmundssyni, er einungis 0.16 % af þeim fjármunum sem fara til heilbrigðis- og tryggingakerfisins ráðstafað sérstaklega til forvarna.