Geðrækt
Fulltrúi notenda ráðinn á geðsvið LSH
Stórt skref til framfara var stigið í málefnum geðsjúkra nú á dögunum þegar fulltrúi notenda á geðsviði var ráðinn á Landspítala háskólasjúkrahús. Tilgangurinn er m.a. að efla notendaþekkingu starfsfólks á geðsviði sjúkrahússins.
Bergþór Grétar Böðvarsson hefur verið ráðinn fulltrúi notenda á geðsviði LSH. Það er nýjung að leita sérstaklega þannig til fyrrverandi notanda þjónustunnar til þess að leggja gott til starfsins og er um að ræða tilraunaverkefni í 6 mánuði.
Tilgangur og markmið með þessu er að efla notendaþekkingu á geðsviði LSH hjá starfsfólki sviðsins, að bæta ímynd og þjónustu geðsviðs LSH, sýna fram á að fyrrverandi notendur eigi fullt erindi í vinnu með fagfólki á geðheilbrigðisstofnun, auka samvinnu við notendur þjónustu geðsviðs LSH og auka formlega samvinnu gæðaráðs geðsviðs við notendur
Sjá nánar á vef Landspítala háskólasjúkrahúss