Geðrækt
Að vera manneskja - fræðsluerindi í Gerðubergi í dag
Í tilefni Alþjóðlega geðheilbrigðisdagsins, 10. október 2005, verður starfsfólk geðsviðs Reykjalundar með fræðsluerindi í Gerðubergi þann 4. október, kl. 14:00 og 16:30. Erindi er ætlað öllum sem áhuga hafa og er það hluti fræðslu sem boðin er í endurhæfingardagskrá Reykjalundar undir yfirskriftinni „Að vera manneskja“.
Grunnhugmynd þessarar fræðslu er hvatning til að taka ábyrgð á eigin heilsu. Farið er í gegnum marga þá þætti sem hver og einn getur sjálfur gert til að hafa áhrif í sínu daglega lífi og sannanlega skipta máli fyrir heilbrigði og vellíðan. Erindin nefnast „Áhrif depurðar á daglegt líf" í umsjá Önnu Maríu Jónsdóttur, geðlæknis „Jafnvægi í daglegu lífi", sem Þórunn Gunnarsdóttir, iðjuþjálfi, flytur, „Áhrif hreyfingar á andlega líðan", sem Arnbjörg Guðmundsdóttir, sjúkraþjálfari, flytur, „Viðmót skapar viðmót", sem Ingibjörg Flygering, félagsráðgjafi, flytur og „Samskipti og félagsfærni", sem Rúnar Andrason, sálfræðingur, flytur.