Árvekni-slysavarnir barna
Lá við stórslysi í leikskóla þegar barn stökk úr gluggakistu með snúru úr rimlagardínu um hálsinn
Fyrir nokkru hlaut barn áverka á hálsi eftir að hafa sett snúru úr rimlagardínu um hálsinn á sér og stokkið síðan niður úr gluggakistu. Litlu munaði að illa færi. Barnið var í leikskóla og þar höfðu starfsmenn sett upp krók til þess að vefja snúrunni um en hann var ekki notaður.
Við viljum benda foreldrum og starfsfólki í leik- og grunnskólum á þessa hættu því þetta er alls ekki fyrsta slysið að þessum toga sem orðið hefur á síðustu árum. Sem betur fer hafa þó börnin ekki hlotið alvarlegan skaða af.
Mikilvægt er að foreldrar og aðrir átti sig einnig á því að börn geta líka hengst ef þau stinga höfðinu á milli rimla í gardínum og stökkva síðan niður úr gluggakistunni.