Árvekni-slysavarnir barna
Barnagæsla
Framundan eru sumarfrí í leik- og grunnskólum og standa margir foreldrar frammi fyrir vanda með gæslu fyrir börnin sín. Ekki hafa allir kost á því að taka frí í sinni vinnu á þeim tíma sem börnin eru í fríi og þurfa því margir að ráða einhvern til að gæta barnanna.
Hér á landi hefur það tíðkast til margra ára að ráða ung börn til þess að gæta barna. Við hjá Árvekni viljum benda foreldra á að kynna sér samantekt sem Vinnueftirlitið hefur útbúið um barnagæslu, en þar kemur fram að ekki sé heimilt að ráða börn undir 15 ára aldri til þeirra starfa. Í samantektinni má finna ástæður þess að miðað er við þann aldur.
Hér á heimasíðunni er einnig að finna ýmsar góðar ábendingar fyrir foreldra sem þurfa að ráða til sín barnfóstru og hvaða öryggisatriði þarf að hafa í huga.
Við hvetjum foreldra til að virða þessar reglur, því þær eiga að tryggja öryggi vinnandi barna og þeirra barna sem þurfa á gæslu að halda.
Herdís Storgaard, framkvæmdastjóri Árvekni