Stúlka festi hettu í glugga í skólastofu
Að gefnu tilefni viljum við hjá Árvekni benda foreldrum á að mikilvægt er að fjarlægja reimar úr fatnaði barna, sérstaklega hettum. Æskilegt er að setja í staðinn teygju sem gerir það að verkum að op hettunnar rykkist saman og minnkar þar með hættuna á að hettan krækist í eitthvað. Á síðustu 10 árum hafa orðið a.m.k. þrjú slys og voru tvö þeirra mun alvarlegi en það sem getið er um í DV. Eitt barnið fór í öndunarstopp og var það fyrir snör handtök og kunnáttu leikskólakennarans sem varð vitni að slysinu að ekki fór verr.
Nokkur alvarleg slys hafa orðið þegar reimar í hettum hafa setið fastar en flest þeirra slysa hafa átt sér stað á leiksvæðum. Oft hefur litlu mátt muna að ekki fór ver.
Á heimasíðunni má finna frekari upplýsingar um hættur við reimar í fatnaði barna og hettur sem við hvetjum alla til að kynna sér nánar.