Lýðheilsustöð - Allt hefur áhrif

Allt hefur áhrif, einkum við sjálf! - Lokaskýrsla

Fri, 29 Apr 2011 11:25:00 +0000

Út er komin hjá Lýðheilsustöð lokaskýrsla Allt hefur áhrif, einkum við sjálf!. Skýrslan nær yfir helstu þætti starfsemi, árangur og samstarf um verkefnið frá árinu 2004.

Niðurstöður kannana meðal skólastjóra á landinu

Wed, 7 Apr 2010 11:36:00 +0000

Út er komin skýrsla með niðurstöðum kannana sem Lýðheilsustöð gerði á meðal leik- og grunnskólastjóra á Íslandi vorið 2009. Niðurstöðurnar varpa ljósi á stöðu helstu þátta sem snerta aðstæður, framboð og hvernig unnið er að hreyfingu og hollri næringu í leik- og grunnskólum landsins.

Allt hefur áhrif í Kópavogi

Fri, 6 Mar 2009 15:41:18 +0000

Lýðheilsustöð hrinti úr vör verkefninu Allt hefur áhrif-einkum við sjálf! árið 2005, samstarfsverkefni stöðvarinnar og nokkurra sveitarfélaga í landinu um bætt mataræði og hreyfingu barna og fjölskyldna í sveitarfélaginu. Hvert og eitt sveitarfélag vinnur að verkefninu með sínum hætti og segja má að í Kópavogi hafi málin nú verið tekin föstum tökum, eins og m.a. má sjá í nýjasta hefti Kópavogspóstsins undir fyrirsögninni „Koma svo Kópavogsbúar!“

Verkefni Lýðheilsustöðvar hlýtur viðurkenningu Alþjóðaheilbrigðismálastofnunarinnar

Thu, 16 Nov 2006 04:27:36 +0000

Verkefni Lýðheilsustöðvar: Allt hefur áhrif – einkum við sjálf hefur fengið viðurkenningu Alþjóðaheilbrigðismálastofnunarinnar - WHO Counteracting Obesity Award – fyrir lýðheilsustarf sem styður við aðgerðir sveitarfélaga til að efla lýðheilsu með bættri næringu og aukinni hreyfingu sem eru liðir í að sporna gegn vaxandi offitu þjóðarinnar.

Allt hefur áhrif – einkum við sjálf! Niðurstöður frá samráðsfundi

Thu, 30 Mar 2006 00:57:53 +0000

Niðurstöður hópavinnu á fyrsta samráðsfundi Lýðheilsustöðvar og sveitarfélaganna 25 sem taka þátt í verkefninu Allt hefur áhrif-einkum við sjálf! liggja nú fyrir.

Allt hefur áhrif samráðsfundur

Thu, 26 Jan 2006 11:58:15 +0000

Fyrsti samráðsfundur Lýðheilsustöðvar og sveitarfélaganna 25 sem taka þátt í verkefninu Allt hefur áhrif-einkum við sjálf! fer fram á Hótel Nordica föstudaginn 27. janúar. Allt hefur áhrif-verkefnið hófst formlega haustið 2005 en Lýðheilsustöð hefur unnið að undirbúningi þess frá árinu 2004, m.a. með því að fá sveitarfélög um allt land til samstarfs. Verkefnið hefur það að markmiði efla og bæta næringu og hreyfingu barna og ungmenna sem og fjölskyldunnar í heild.

Allt hefur áhrif, einkum við sjálf! Nýtt verkefni Lýðheilsustöðvar

Thu, 6 Jan 2005 03:27:29 +0000

Lýðheilsustöð er að ýta úr vör þróunarverkefni í samvinnu við sveitarfélög í landinu til að bregðast við þeirri þróun að börn og ungmenni á Íslandi eru að þyngjast.