Vel heppnaðir starfsdagar
Að baki eru nú tveir afar vel heppnaðir 
starfsdagar sem Lýðheilsustöð gekkst fyrir um Heilsueflandi grunnskóla. Þátttakendur voru á þriðja hundrað frá meira en 30 skólum. Það var Víkurskóli í Grafarvogi sem hýsti starfsdaga Lýðheilsustöðvar af myndarskap og mikilli hjálpsemi.
Það fyrirkomulag var haft að sama dagskrá var í boði báða dagana þannig að þátttakendur gátu valið sér mismunandi dagskrá í hliðlægum vinnustofum. Með einstakri hjálpsemi starfsfólks Víkurskóla tókst að leysa öll úrlausnarefni snurðulaust en þar bar hæst það ánægjulega viðfagnsefni að þátttakendur voru mun fleiri en vænst var.
Forstjóri Lýðheilsustöðvar, Margrét Björnsdóttir, setti dagskrána, bauð gesti velkomna báða daga og kynnti aðkomu Lýðheilsustöðvar að verkefninu, en strax að því loknu hófst vinnustofa um geðrækt― Vinir Zippýs – en hana sótti stór hópur kennara.
Aðrir sátu áfram og hlýddu á kynningu og umfjöllun um sögu, forsendur og rannsóknir sem liggja að baki verkefninu um heilsueflandi grunnskóla og reynslu grunnskóla Egilsstaða af starfi í þeim anda, í samstarfi við Lýðheilsustöð.
Eftir hádegi skiptist sá hópur svo upp í þrjár mismunandi vinnustofur, samhliða vinnustofunni um geðvernd, þ.e. um hreyfingu og öryggi, um næringu og tannvernd, og fjórða vinnustofan fékkst við forvarnir gegn áhættuhegðun svo sem gegn notkun tóbaks, áfengis og fíkniefna auk forvarna gegn ofbeldi í samböndum ungs fólks.
Sameiginlegir fyrirlestrar:
Um heilsueflandi skóla (Sveinbjörn Kristjánsson)
Heilsuefling í Grunnskóla Egilsstaða (Sigurbjörg Kristjánsdóttir)
Rannsóknir á lífsstíl og líðan grunnskólanema (Stefán Hrafn Jónsson)
Myndir frá starfsdögunum 17. og 18. ágúst 2010
(Smella á smámynd til að stækka)
 |
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
| |
 |
 |
 |
 |
|
 |
 |
 |
 |
 |
 |
Tengt efni:
Skólaþing Lýðheilsustöðvar í apríl 2010
