Lýðheilsustöð kynnir nýútgefna bók sína Velgengni og vellíðan - Um geðorðin 10 í Borgarbókasafninu, Tryggvagötu, í hádeginu í dag og við sama tækifæri tekur heilbrigðisráðherra, Guðlaugur Þór Þórðarson, formlega við eintaki af bókinni. Kynningarfundurinn er öllum opinn. Lesa meira

Bókin Holdafar – hagfræðileg greining, eftir Tinnu Laufeyju Ásgeirsdóttur heilsuhagfræðing, sem Lýðheilsustöð gaf út fyrir skömmu, hefur hlotið mikla athygli og um hana verið fjallað í mörgum fjölmiðlum landsins. Lesa meira

Hvert stefnum við í forvarnamálum á Íslandi er umræðuefni morgunverðarfundar Náum áttum samstarfshópsins sem fram fer á Grand-hóteli miðvikudaginn 28. nóvember. Fjallað verður um hvað liggi að til grundvallar stefnumótun ríkistjórnarinnar í forvarnamálum, aðgerðaráætlun í málefnum barna og unglinga og forvarnastarf almannasamtaka. Lesa meira

Ofþyngd eða offita er sá heilsufarskvilli sem í auknum mæli hrjáir íbúa hins vestræna heims, Ísland þar með talið því meirihluti fullorðinna Íslendinga er yfir kjörþyngd. En hvaða hagfræðilegu áhrif á samfélagið hafa þeir lifnaðarhættir íbúanna sem orsaka þennan kvilla? Dr. Tinna Laufey Ásgeirsdóttir, heilsuhagfræðingur, leitar svara við þessari spurningu, og fleirum er snerta holdafar, í nýútkominni bók sinni Holdafar – hagfræðileg greining, sem var að koma út kom á vegum Lýðheilsustöðvar. Kynning verður í Norræna húsinu í hádeginu mánudaginn 26. nóvember. Lesa meira

Samningur hefur verið undirritaður á milli Lýðheilsustöðvar, heilbrigðisráðuneytis, menntamálaráðuneytis og Samtaka íslenskra framhaldsskólanema um heilsueflingu og forvarnir í framhaldsskólum. Lesa meira

Lýðheilsustöð hefur gefið út veggspjald í tveimur stærðum með Disknum, sem sýnir hvernig hægt er á  auðveldan hátt að stuðla að vel samsettum máltíðum. Lesa meira

Lýðheilsustöð hefur látið þýða íslenskan texta fræðsluefnis sem snýr að meðgöngu og óbeinum reykingum í návist barna á 7 tungumál. Lesa meira

Hvernig mataræði okkar er háttað og hversu mikið eða lítið við hreyfum okkur hefur áhrif á hættuna á því að fá krabbamein, eins og fram kemur í nýrri skýrslu World Cancer Research Fund og American Institute for Cancer Research ,,Food, Nutrition, Physical Activity, and the Prevention of Cancer: a Global Perspective”. Lesa meira

Lýðheilsustöð stendur um þessar mundir að viðamikilli könnun á heilsu, líðan og velferð Íslendinga á aldrinum 18-79 ára. Þátttakendur eru 10.000 manns valdir með tilviljun og í þessari viku eru þeim að berast könnunargögnin. Könnunin er unnin í samstarfi við Landlæknisembættið, Vinnueftirlitið, Krabbameinsfélag Íslands og sérfræðinga frá Kennaraháskóla Íslands, Landbúnaðarháskóla Íslands, Háskóla Íslands, Háskólanum í Reykjavík og Háskólanum á Akureyri. Lesa meira

Lögreglan á höfuðborgarsvæðinu hefur varað við auknu framboði af e-töflum. Sérstakur áhættuhópur hvað e-töflurnar varðar er ungt fólk og þar sem um er að ræða mjög hættulegt efni þykir lögreglu ástæða til þessara varúðarráðstafana. Lýðheilsustöð tekur undir varnaðarorð lögreglunnar. Lesa meira

Því meira sem ungt fólk sér af áfengisauglýsingum því meiri líkur eru á að það drekki áfengi. Þetta kemur fram í niðurstöðum rannsóknaverkefnisins ELSA og ennfremur að reglur sem gilda um áfengisauglýsingar í Evrópu dugi ekki til að vernda ungt fólk gegn auglýsingunum. Lesa meira

Munntóbaksnotkun fer vaxandi á Íslandi þótt bannað hafa verið að flytja munntóbak inn frá árinu 1997. ,,Munntóbaksleiknum" Ekki segja sííísss! er ætlað að vekja athygli ungs fólks - og annarra - á áhrifum munntóbaksnotkunar og er það gert með því að fá fólk til að taka þátt í leik á vefnum. Lesa meira

Reyklaus bekkur-verkefnið er nú að fara af stað, 9. árið í röð, og allir 7. og 8. bekkir í grunnskólum landsins geta skráð sig til leiks. Lesa meira

Í tilefni dagsins er haldin þverfagleg ráðstefna í Ráðhúsi Reykjavíkur, minningarathöfn Í Hallgrímskirkju og kertafleyting við Tjörnina. Lýðheilsustöð lét þýða geðorðin 10 á 6 tungumál í tilefni af deginum og þeim áherslum sem lagðar eru í ár: alþjóðavæðing og menningarlegur margbreytileiki.   Lesa meira

Lýðheilsustöð hefur birt tölur um fæðuframboð á Íslandi fyrir árið 2006 hér á heimasíðunni. Þessar upplýsingar eru unnar reglulega og þó þær veiti ekki upplýsingar um neyslu gefa þær vísbendingar um þróun á mataræði þjóðarinnar. Lesa meira

Nemendur í 1. bekk grunnskóla Seltjarnarness hófu í dag formlega verkefnið Göngum í skólann með því að ganga með ríkislögreglustjórarnum, bæjarstjóra Seltjarnarness, kennurum og fleirum í nágrenni skólans. Í um 40 löndum víðs vegar um heiminn ganga nemendur og foreldrar í skólann í októbermánuði en Göngum í skólann-dagurinn er 3. október. Lesa meira

Þörf er fyrir fleiri úrræði sem styðja reykingafólk í að hætta tóbaksnotkuninni og fleira fagfólk sem sinnir þessu stuðningsstarfi. Lýðheilsustöð og Heilsugæslan stóðu fyrir fræðslufundi og námskeiði í hvetjandi samtalstækni og nokkur erindanna sem þar voru flutt eru nú aðgengileg hér á heimasíðunni. Lesa meira

Samþykkt hefur verið aðgerðaráætlun um framkvæmd matvæla- og næringarstefnu í Evrópu fyrir tímabilið 2007 – 2012 (Second WHO European Action Plan for Food and Nutrition Policy 2007-2012). Lesa meira

Foreldrahæfni - hvað þarf til? er yfirskrift morgunverðarfundar Náum áttum-hópsins, miðvikudaginn 26. september á Grand hóteli. Lesa meira

Í tilefni af alþjóða geðheilbrigðisdeginum, 10. október, sem að þessu sinni er helgaður geðheilsu í heimi þar sem fólk af mörgum þjóðernum býr saman á einum stað, hefur Lýðheilsustöð látið þýða geðorðin 10 á sex tungumál og eru þau nú til á alls átta tungumálum. Lesa meira

Árlega standa iðjuþjálfar fyrir svokölluðum Skólatöskudögum þar sem fram fer sérstök fræðsla um mikilvægi þess að skólatöskur séu ekki of stórar né of þungar. Haustið 2008 kom út nýr fræðslubæklingur um þetta efni, en hér á eftir er fræðsluefni sem birtist árið 2007. 

Lesa meira

Búseta og lýðheilsa er yfirskrift lýðheilsuþings sem haldið er á Akureyri miðvikudaginn 19. september. Áhugaverð og fjölbreytt dagskrá er í boði þar sem fjöldi innlendra og erlendra fyrirlesara munu flytja erindi. Þingið er öllum opið. Lesa meira

Forsvarsmenn matvöruverslana hafa undirritað yfirlýsingu þess efnis að verslunarmenn hvetji til aukinnar hollustu og betri lífshátta með neyslu hollari fæðu og aukinni hreyfingu. Undirritunin fór fram á vel sóttum morgunverðarfundi sem bar yfirskriftina ,,Aukið heilbrigði – ábyrgð atvinnulífsins". Lýðheilsustöð fagnar þessu framtaki Samtaka verslunar og þjónustu. Lesa meira

Niðurstöður nýlegrar breskrar rannsóknar gefa til kynna að hugsanlega geti verið tengsl milli ákveðinna litarefna sem notuð eru í matvælaiðnaði, t.d. í sumar tegundir gos- og svaladrykkja og sælgæti, og ofvirkni hjá börnum. Lesa meira

Heilbrigðisráðherra, Guðlaugur Þór Þórðarson, opnaði formlega í dag gagnvirku heimasíðuna reyklaus.is. Heimasíðan er nýtt ,,tæki" sem þeir geta nýtt sér sem vilja hætta að reykja og er aðstoðin, sem hægt er að fá á síðunni, notandanum að kostnaðarlausu. Lesa meira

Lýðheilsustöð, Háskólinn í Reykjavík og Vinnueftirlitið, sem stýrir verkefninu, hafa tekið höndum saman um að standa að verkefninu Hraust saman - eða ,,Healthy Together" - sem snýst um heilsueflingu á vinnustöðum, með áherslu á smáa og meðalstóra vinnustaði. Lesa meira

Út er kominn nýr fræðslubæklingur Fólat – fyrir konur sem geta orðið barnshafandi þar sem fjallað er um mikilvægi fólats fyrir konur á barneignaaldri. Lýðheilsustöð, Landlæknisembættið og Miðstöð mæðraverndar standa að útgáfu bæklingsins en efni hans er byggt á eldri bæklingi um sama efni, auk þess sem nýjar upplýsingar koma þar fram. Lesa meira

Í tilefni umfjöllunar Morgunblaðsins um gagnagrunn um efnainnihald matvæla, „900 fæðutegundir komnar á skrá“, vill Lýðheilsustöð benda á að samkvæmt niðurstöðum landskönnunar á mataræði 2002 er prótein-neysla á Íslandi rífleg eða að meðaltali um 18% orku en ráðlagt er að prótein veiti 10-20% heildarorku. Heildarfituneysla hefur nálgast ráðleggingar og var um 35% orkunnar en harða fitan (mettaðar- og transfitusýrur) er enn allt of stór hluti fitunnar og veitir samtals um 16% orkunnar en æskilegt er að hún sé innan við 10% orkunnar. Lesa meira

Anna Elísabet Ólafsdóttir, forstjóri Lýðheilsustöðvar, er í eins árs leyfi frá störfum frá og með 1. ágúst 2007. Um er að ræða námsleyfi en Anna Elísabet mun hefja doktorsnám í lýðheilsufræðum við Brunel University í London. Anna Elísabet hefur verið forstjóri Lýðheilsustöðvar síðastliðin fjögur ár, eða frá stofnun hennar árið 2003. Lesa meira

Út er komin hjá Lýðheilsustöð, Ársskýrsla 2006. Þessi ársskýrsla, sem nú er gefin út, nær yfir starfsemi Lýðheilsustöðvar á árinu 2006 en að auki er minnst á nokkra mikilvæga viðburði sem áttu sér stað á árinu 2005. Lesa meira

Í umræðu um forvarnir og áfengismál ber oft á þeim misskilningi að forvarnir snúist eingöngu um fræðslu um skaðsemi áfengis og ábyrgt uppeldi barna. Öflugt forvarnarstarf felst ekki síður í réttum stjórnvalds-aðgerðum. Niðurstöður fjölda rannsókna hafa sýnt að aðgengi og verð á áfengi eru lykilþættir sem ákvarða heildar áfengisneyslu hverjar þjóðar.

Lesa meira

Með hverju árinu fjölgar þeim stöðum á landinu þar sem á sumrin er boðið upp á bæjar- og/eða útihátíð, landsmönnum yfirleitt til ánægju og yndisauka. Lýðheilsustöð vill þó vekja athygli foreldra og skipuleggjenda þessara hátíða á þeirri ábyrgð sem á þeim hvílir hvað varðar þátttöku barna og ungmenna í hátíðahöldunum. Lesa meira

Reykingabanninu á veitingarhúsum og skemmtistöðum hefur verið afar vel tekið hér á landi. Svo virðist sem landinn hafi verið fljótur að laga sig að breyttum aðstæðum. Reynslan frá öðrum löndum hefur sýnt hið sama í gegnum tíðina. Óhætt er að segja að lagabreytingarnar njóta víðtæks stuðnings meðal almennings, þrátt fyrir að vart yrði ákveðins kvíða um að draga myndi úr viðskiptum. Lesa meira

Bæklingur með ábendingum og upplýsingum til foreldra og forráðamanna barna um hvað skal varast þegar sælgæti og smáhlutir eru annars vegar, hefur nú verið endurútgefinn. Bæklingurinn hefur verið ófáanlegur um nokkurt skeið, en töluvert hefur verið spurt um hann. Lesa meira

Nú er á auðveldan hátt hægt að nálgast upplýsingar hjá Matís um efni sem eru í algengum matvælum. Upplýsingarnar eru í íslenska gagnagrunninum ÍSGEM og segja til um allt að 45 efni í um 900 fæðutegundum. Lesa meira

Lýðheilsustöð stendur að samstarfsverkefni sem kallast Ábyrgð – öllum í hag. Um er að ræða þjálfunarverkefni fyrir starfsfólk skemmtistaða og veitingahúsa með það að markmiði að draga út slysum, ofbeldisverkum og ofneyslu áfengis í tengslum við skemmtanalífið. Farið er að starfa samkvæmt áherslum verkefnisins í Reykjanesbæ. Lesa meira

Framkvæmdastjórn Evrópusamabandsins (ESB) hefur sent frá sér hvítbók (White paper) um aðgerðir í baráttunni gegn offitu. Í hvítbókinni eru settar fram ýmsar tillögur um hvað lönd ESB geta lagt að mörkum í baráttunni gegn ofþyngd og offitu og öðrum heilsutengdum þáttum. Lesa meira

Nú styttist í 1. júní 2007 en þá munu taka gildi breytingar á tóbaksvarnalögum. Þessar breytingr fela í sér að ekki má leyfa reykingar í þjónusturými veitinga- og skemmtistaða á Íslandi. Staðurinn skal vera alveg reyklaus og ekki má skipta í reyk og reyklaus svæði. Lesa meira

Lýðheilsustöð er samstarfsaðili Íþrótta- og ólympíusambands Íslands um verkefnið ,,Hjólað í vinnuna". Það snýr bæði að því að fá okkur til að hreyfa okkur meira og að leggja okkar af mörkum til umhverfisverndar með því að nota ekki bíl. Lýðheilsustöð hvetur alla til að hreyfa sig meira, eftir bestu getu, allan ársins hring og bendir þar sérstaklega á að nota megi reiðhjól meira. Í því sambandi var ráðist í gerð nýrra sjónvarpsauglýsinga sem m.a. verða sýndar nú í tengslum við ,,Hjólað í vinnuna". Lesa meira

Á kynningarfundi Lýðheilsustöðvar í dag voru kynntar niðurstöður ESPAD-rannsóknarinnar 2007 og formleg úthlutun úr Forvarnasjóði fór fram.
Samkvæmt niðurstöðum ESPAD standa unglingar á Íslandi sig mjög vel hvað varðar reykingar, neyslu áfengis og ólöglegra vímuefna. Sem dæmi má nefna að um 90% unglinga í 10. bekk hefur aldrei reykt hass. Góðan árangur má þakka þeim sjálfum, foreldrum þeirra og ýmsum samfélagsþáttum. En ekki má slaka á, sífellt bætast nýir við í unglingahópinn á Íslandi, og forvarnastarf þarf því stöðugt að vera í gangi. Þar kemur m.a. til það ágæta starf sem Forvarnasjóður styrkir. Lesa meira

Þann 1. júní 2007 taka gildi breytingar á tóbaksvarnalögum sem fela í sér að reykingar verða ekki lengur leyfðar í þjónusturými veitinga- og skemmtistaða. Lýðheilsustöð kannaði viðhorf landsmanna til þessarar lagasetningar og Vinnueftirlitið viðhorf og heilsu starfsmanna á þessum stöðum. Lesa meira

Íslensku lýðheilsuverðlaunin voru afhent í fyrsta sinn, í morgun, 24. apríl 2007, og voru verðlaunin afhent af Siv Friðleifsdóttur heilbrigðis- og tryggingamálaráðherra. Ákveðið var að veita SAMAN-hópnum Íslensku lýðheilsuverðlaunin 2007 fyrir að leiða saman ólíka aðila til stuðnings íslenskum foreldrum í vandasömu uppeldishlutverki þeirra. Afhending verðlaunanna fór fram í Ráðherrabústaðnum við Tjarnargötu. Lesa meira

Nokkuð hefur verið rætt að undanförnu um hvort ráðlagt sé að nota olíur til steikingar. Mælt er með að nota fljótandi jurtaolíu við alla matargerð þar sem því verður við komið í staðinn fyrir harða fitu (t.d. smjörlíki, smjör, steikingarfeiti, kókosolíu eða palmitín). Lesa meira

Miðvikudaginn 28. mars buðu heilbrigðis- og tryggingamálaráðuneytið, Lýðheilsustöð og Samtök iðnaðarins til morgunverðarfundar á hótel Nordica þar sem til umfjöllunar var samstarf um aukið framboð á hollum matvörum, markaðssetning, vöruþróun og skammtastærðir.

Lesa meira

Hafin er undirbúningur að því að á öllum tóbaksvörum, sem seldar eru á Íslandi, verði myndir til aðvörunar um skaðsemi tóbaks og kæmu þær þá í stað viðvaranna sem nú eru á þessum vörum. Íslendingar yrðu þá meðal fyrstu þjóða sem merktu tóbaksvörur á þennan hátt. Lesa meira

Skýrsla forsætisráðherra um störf faghóps um samræmdar aðgerðir til að efla lýðheilsu á Íslandi með hollara mataræði og aukinni hreyfingu var lögð fyrir Alþingi, á 133. löggjafarþingi 2006–2007. Í henni eru tillögur að margþættum aðgerðum sem leiða eiga til hollara mataræðis og aukinnar hreyfingar landsmanna.   Lesa meira

Evrópusambandið hefur sent frá sér drög að stefnu - s.k. „Green paper“- um tóbaksvarnir í Evrópusambandslöndunum. Áður en stefnan verður samþykkt gefst öllum, sem áhuga hafa, tækifæri til að gefa álit sitt á henni. Lesa meira

Miðvikudaginn 28. mars bjóða heilbrigðis- og tryggingamálaráðuneytið, Lýðheilsustöð og Samtök iðnaðarins til morgunverðarfundar á hótel Nordica þar sem til umfjöllunar er samstarf um aukið framboð á hollum matvörum, markaðssetning, vöruþróun og skammtastærðir. Fundurinn hefst kl. 8:15 og er öllum opinn og ókeypis. Lesa meira

Samstarfshópurinn NÁUM ÁTTUM heldur morgunverðarfund um börn og óbeina markaðssetningu á Grand hóteli, þriðjudaginn 13. mars kl. 8:15-10:00. Lesa meira

Frítt til Evrópu fyrir reyklausa var keppni ætluð ungu fólki á aldrinum 15-20 ára og liður í að hvetja ungt fólk á þessum aldri til reykleysis. Þátttakendum var skipt í tvo hópa, annars vegar reyklausa og hins vegar þeir sem reyktu en vildu hætta.

Lesa meira

Lýðheilsustöð hefur birt svokölluð heilsuskilaboð í ýmsum miðlum og nú hefur eitt þeirra verið tilnefnt til íslensku auglýsingaverðlaunanna, Lúðursins, í flokknum ,,almannaheillaauglýsingar - prentmiðlar". Lesa meira

Flestir ef ekki allir reykingamenn vilja hætta að reykja en margir þurfa aðstoð og hvatningu. Nú hefur orðið góð viðbót í hópi þeirra sem veita reykleysisaðstoð en það eru Lyf og heilsu-apótekin og ber að fagna þessu framtaki. Lesa meira

Transfitusýrur hafa verið talsvert í umræðunni að undanförnu. Lýðheilsustöð hefur tekið saman nokkur áhersluatriði sem vonandi gefa svör við helstu spurningum sem vaknað hafa í kjölfar umræðunnar.

Lesa meira

Borðum meiri fisk! er heitið á nýjum bæklingi með 20 ljúffengum fiskuppskriftum sem Lýðheilsustöð hefur látið útbúa og gefur á hvert heimili í landinu. Þetta er liður í að stuðla að meiri fiskneyslu í landinu en hún fer stöðugt minnkandi sérstaklega hjá ungu fólki. Uppskriftabæklingurinn og átakið var kynnt í dag en pósturinn ber síðan bæklinginn í hvert hús í landinu í þessari viku. Lesa meira

Hreyfing fyrir alla er samstarfsverkefni heilbrigðis- og tryggingamálaráðuneytisins, Lýðheilsustöðvar og Íþrótta- og Ólympíusambands Íslands sem fara mun fram í nokkrum sveitarfélögum í landinu með það að markmiði að fá fleiri til að hreyfa sig reglulega. Lesa meira

Hollenska ríkisstjórnin hefur lagt fram frumvarp þess efnis að banna áfengisauglýsingar í ljósvakamiðlum fram til kl 21:00. Þær reglur um birtingu áfengisauglýsinga þykja ekki vernda börn og ungmenni nægilega. Lesa meira

Heilbrigðisráðherra, Siv Friðleifsdóttir, kynnti í morgun megináherslur sínar á sviði forvarna og heilsueflingar. Lesa meira

Lýðheilsustöð vekur athygli á því að Evrópusambandið er nú að auglýsa eftir umsóknum um styrki til verkefna á sviði lýðheilsu. Upplýsingadagur verður í Lúxemborg 28. febrúar nk. Lesa meira

Nú hafa verið dregnir út tveir bekkir í samkeppninni Reyklaus bekkur og vinna allir nemendur þessara bekkja og kennarar Eastbak bakpoka. Lesa meira

Lesa meira

Minnt er á að síðasti dagur til að skila inn umsóknum um styrki úr forvarnasjóði er 31. janúar. Einungis er tekið við umsóknum sem skilað er á þar til gerðum eyðublöðum sem hægt er að nálgast hér á vef Lýðheilsustöðvar. Lesa meira

Mikil og margvísleg umræða er um mat og mataræði í þjóðfélaginu þessa dagana. Lýðheilsustöð hefur nýverið gefið út Ráðleggingar um mataræði, sem landsmenn er hvattir til að kynna sér, en í ljósi umræðunnar að undanförnu vill stöðin vekja sérstaka athygli á því að í ráðleggingunum er lögð áhersla á að nota olíu eða mjúka fitu í stað harðrar fitu og jafnframt að stilla neyslu á fitu og feitum matvörum í hóf. Lesa meira

Lýðheilsustöð auglýsir eftir umsóknum um styrki úr Forvarnasjóði. Tilgangur sjóðsins er að stuðla að forvörnum á sviði áfengis- og vímuvarna og eru styrkir veittir til verkefna eða afmarkaðra rannsókna. Lögð er áhersla á að verkefnin séu samstarfsverkefni og að þau tengist börnum og ungmennum á mismunandi skólastigum eða ungu fólki utan skóla. Þá er auglýst sérstaklega eftir verkefnum sem taka til félagslegrar stöðu ungs fólks og ungs fólks af erlendum uppruna.

Lesa meira

Lýðheilsustöð sendir landsmönnum bestu óskir um gott og farsælt nýtt ár!
Margir nota áramót sem tíma til að breyta einhverju í lífi sínu, s.s. til að huga betur að líkamlegri og andlegri heilsu. Margir ætla að minnka stressið, hreyfa sig meira, borða hollari mat og hætta að reykja. Lýðheilsustöð vonar að hún geti þarna orðið að liði og bendir í því sambandi á margt ágætis fræðsluefni sem hægt er að panta hjá stöðinni - eða einfaldlega lesa hér á síðunni.

Lesa meira