Allir veitinga- og skemmtistaðir á Íslandi verða reyklausir frá og með 1. júní nk. skv. lögum. Þegar er hafin vinna við að undirbúa rekstraraðila undir þessa breytingu, m.a. lét Lýðheilsustöð útbúa kynningarbækling um málið, í samstarfi við Samtök ferðaþjónustunnar, og sendi nýverið til allra veitingahúsa á landinu. Lesa meira

Á hvaða hátt kann fjárhagsstaða fjölskyldunnar að hafa áhrif á heilsusamlega lífshætti barna og unglinga á Íslandi, með tiliti til hreyfingar, næringar og holdafars? Rannsóknarniðurstöður, sem fengust úr hluta rannsóknarinnar Heilsa og lífskjör skólanema, benda til að börn sem búa við fátækt á Íslandi hreyfi sig minna en önnur börn, borði sjaldnar hollan mat og séu líklegri til að vera of þung og of feit. Áður hefur verið sýnt að börn í efnaminni fjölskyldum fara sjaldnar til tannlæknis en börn úr efnameiri fjölskyldum. Lesa meira

Lýðheilsustöð sendi efnahags- og viðskiptanefnd Alþingis umsögn vegna breytinga á lögum um vörugjald og virðisaukaskatt á matvælum, þar sem einkum er bent á neysluhvetjandi áhrif þess að lækka gjöld af gosdrykkjum og öðrum drykkjum með viðbættum sykri. Slíkar aðgerðir samræmast ekki manneldissjónarmiðum sem ættu að vera lögð til grundvallar breytingum sem þessum. Lesa meira

Lýðheilsustöð fékk Capacent Gallup til að kanna umfang reykinga á Íslandi á árinu 2006. Kannanirnar fóru fram snemma árs, um mitt ár og í lok árs. Samantekt kannanna þriggja liggur nú fyrir og birtast niðurstöðurnar hér.

Lesa meira

Rannsóknarstofnun fiskiðnaðarins hefur undanfarin ár fylgst náið með magni mengunarefna - þungmálma og þrávirkra lífrænna efna - í fiski af Íslandsmiðum. Þessi efni mælast ætíð langt undir þeim viðmiðunarmörkum sem sett hafa verið af Evrópusambandinu í íslensku sjávarfangi, sem við borðum hvað mest af, t.d. ýsu, rækju, þorski, grálúðu, laxi, smálúðu, lúðu (minni en 1m eða 12 kg), ýmsum kolategundum og svo mætti lengi telja. Lesa meira

Kominn er út á vegum Lýðheilsustöðvar bæklingurinn Ráðleggingar um mataræði og næringarefni. Ráðleggingarnar eru ætlaðar fullorðnum og börnum frá tveggja ára aldri og eiga þær að auðvelda fólki að velja fæði í samræmi við næringarefna- og orkuþörf sem og ráðlagða dagskammta af ýmsum vítamínum og steinefnum. Lesa meira

Þann 16. nóvember var undirritaður sáttmáli milli Evrópulanda Alþjóðaheilbrigðismálastofnunarinnar um baráttuna við aukna tíðni ofþyngdar. Í sáttmálanum er kallað eftir enn meiri samstöðu og samvinnu milli allra hagsmunaaðila en verið hefur; opinberra aðila, einkamarkaðar, frjálsra félagasamtaka, einstaklinga og fjölskyldna bæði á innlendum vettvangi sem og milli landa Evrópu. Lesa meira

Verkefni Lýðheilsustöðvar: Allt hefur áhrif – einkum við sjálf hefur fengið viðurkenningu Alþjóðaheilbrigðismálastofnunarinnar - WHO Counteracting Obesity Award – fyrir lýðheilsustarf sem styður við aðgerðir sveitarfélaga til að efla lýðheilsu með bættri næringu og aukinni hreyfingu sem eru liðir í að sporna gegn vaxandi offitu þjóðarinnar.

Lesa meira

Verkefni Lýðheilsustöðvar: Allt hefur áhrif – einkum við sjálf hefur fengið viðurkenningu Alþjóðaheilbrigðismálastofnunarinnar - WHO Counteracting Obesity Award – fyrir lýðheilsustarf sem styður við aðgerðir sveitarfélaga til að efla lýðheilsu með bættri næringu og aukinni hreyfingu sem eru liðir í að sporna gegn vaxandi offitu þjóðarinnar.

Lesa meira

Lýðheilsustöð hefur ýtt úr vör keppni fyrir reyklausa og er hún ætluð ungu fólki á aldrinum 15-20 ára. Allir sem skrá sig til leiks og eru á þessum aldri eiga þess kost að vinna utanlandsferð. Þátttakendum er skipt í tvo hópa, annars vegar eru reyklausir og hins vegar þeir sem reykja en vilja hætta. Veglegir vinningar eru í boði.

Lesa meira

Ungmennafélag Íslands hefur ákveðið að fylgja eftir Forvarnardeginum sem haldinn var 28. september síðastliðinn að frumkvæði forseta Íslands með forvarnaverkefninu Flott án fíknar en UMFÍ fékk styrk úr forvarnasjóði vegna þessa verkefnis. Kynning verður á verkefninu í Vetrargarðinum í Smárlind 17. nóvember kl. 16. Lesa meira

Lýðheilsustöð býður foreldrum nemenda í 9. og 10. bekk að sjá skemmtifræðsluna hvað EF í Hafnarfjarðarleikhúsinu dagana 13., 14. og 15. nóvember. Ýmsar leiðir eru reyndar til vekja ungt fólk til umhugsunar um hættuna samfara neyslu vímuefna. Ein þeirra er að koma fræðslunni áleiðis á skemmtilegan og nýstárlegan hátt - eins og gert er í hvað EF-skemmtifræðslunni í Hafnarfjarðarleikhúsinu. Lesa meira

Ung kona lést um helgina eftir að hafa tekið inn E-töflu og tveir ungir menn voru fluttir alvarlega veikir á sjúkrahús eftir slíka neyslu. Neysla E-töflu er alltaf hættuleg og vegna atburða helgarinnar hefur Lögreglan Í Reykjavík verið að vara sérstaklega við notkun E-töflunnar - og undir þau varnaðarorð tekur Lýðheilsustöð. Lesa meira

Slysavarnaráð hélt sitt 7. landsþing 19. október 2006 undir yfirskriftinni ,,Slysavarnir aldraðra”. Á þinginu var m.a. samþykkt ályktun þar sem skorað er á stjórnvöld að beita sér fyrir auknum forvörnum til að stemma stigu við tíðum slysum meðal aldraðra. Lesa meira

Slysavarnaráð hélt sitt 7. landsþing 19. október 2006 undir yfirskriftinni ,,Slysavarnir aldraðra”.

Lesa meira

Framkvæmastjórn ESB hefur sent frá sér orðsendingu um leiðir til að draga úr áhrifum skaðlegrar áfengisneyslu í Evrópu. Markmiðið er að styðja einstök ríki í þeirri viðleitni, en talið er að óhófleg áfengisneysla leiði með einum eða öðrum hætti til dauða 195 þúsund manna á ári í Evrópusambandsríkjunum. Lesa meira

Árleg evrópsk vinnuverndarvika stendur nú yfir. Í ár er vinnuverndarvikan helguð ungu fólki og er yfirskrift hennar Örugg frá upphafi. Af þessu tilefni stendur Vinnueftirlitið fyrir morgunverðarfundi á Grand Hóteli, þriðjudaginn 24. okóber, þar sem flutt verða erindi um vinnuaðstæður og vinnuslys ungs starfsfólks. Lesa meira

Fimmtudaginn 19. október fer fram 7. landsþing slysavarnaráðs á Nordica hóteli og er umfjöllunarefnið að þessu sinni slysavarnir aldraðra. Sérfræðingar á þessu sviði munu vera með erindi á landsþinginu. Lesa meira

Formleg opnun Vímuvarnaviku 2006 fer fram í húsakynnum heilbrigðis- og tryggingamálaráðuneytisins, þriðjudaginn 17. október kl. 14:00. Lesa meira

Margir nota haustið til að taka sig á og tileinka sér bættan lífstíl, t.d. að hætta að reykja. Sumum reynist lítið mál að hætta að reykja, taka bara ákvörðunin og hætta - ekkert mál. Öðrum reynist það erfiðara og hafa jafnvel reynt margoft. Frá og með morgundeginum gefst tækifæri til að hætta um leið og nokkrir þekktir einstaklingar með aðstoð þáttarins 6 til 7 á Skjá Eiinum. Lesa meira

Í tilefni Alþjóða geðheilsbrigðisdagsins 10. október 2006, stendur Lýheilsustöð, ásamt fleiri aðilum, fyrir ráðstefnu á Grand hóteli Reykjavík, kl. 8-16. Ráðstefnan ber yfirskriftina Ný hugsun í geðheilbrgiðismálum, en yfirskrift Alþjóða geðheilhrigðisdagsins að þessu sinni er: Vaxandi vitund - aukin von: Saman eflum við geðheilbrigði og drögum úr sjálfsvígum. Lesa meira

Í dag var á morgunverðarfundi á Grand hóteli kynnt nýútgefið rit Lýðheilsustöðvar, Stefna, framtíðarsýn og aðgerðaáætlun. Þetta er í fyrsta sinn sem Lýðheilsustöð gefur slíkt rit út og er þetta merkur áfangi í starfi stöðvarinnar, sem stofnuð var 2003. Lesa meira

Dagana 25.-29. september stendur Iðjuþjálfafélag Íslands fyrir skólatöskudögum víðs vegar um landið. Skólatöskudagar eru haldnir af hálfu iðjuþjálfa um allan heim um þessar mundir en hugmyndin kemur upphaflega frá Bandaríkjunum. Alls taka 45 íslenskir iðjuþjálfar þátt í verkefninu og munu þeir heimsækja um sextíu grunnskóla víðsvegar um landið. Lesa meira

Nýtt hléæfingaforrit, Teygjuhlé fyrir börn og unglinga, var kynnt í Digranesskóla 27. september. Forritið minnir fólk á að hvíla sig á tölvunni og gera æfingar með reglulegu millibili. Það er einkum ætlað börnum og unglingum, en æfingarnar henta þó öllum aldurshópum. Forritið er ókeypis til niðurhals hérna á vef Lýðheilsustöðvar. Lesa meira

Undirbúningur er hafinn vegna verkefnisins Hreyfing fyrir alla, sem er tilraunaverkefni um að fjölga skipulögðum hreyfitilboðum fyrir fullorðna og eldra fólk með því að efla almenningsíþróttadeildir íþróttafélaga. Lesa meira

Lýðheilsustöð lét vorið 2006 kanna hvernig reykingum er háttað á heimilum 3ja ára barna og bar niðurstöðurnar saman við sams konar rannsókn sem gerð var hér á landi árið 1995. Niðurstöðurnar sýna að núna leggja flestir foreldrar sem reykja áherslu á að vernda börn sín fyrir óbeinum reykingum. Lesa meira

Íslendingar borða minnst Norður- og Eystrasaltslandanna af grófu brauði. Nú ætla bakarar að leggja sitt af mörkum til að auka neyslu landsmanna á hollu og trefjaríku brauði með því að leggja sérstaka áherslu á þessi brauð og gefa auk þess út hefti með upplýsingum um mikilvægi grófs brauðmetis fyrir heilsuna. Lesa meira

Fiskneysla landsmanna fer stöðugt minnkandi og er það orðið áhyggjuefni. Ungt fólk borðar almennt sérlega lítið af fiski. Ýmislegt er verið að gera til að hvetja landsmenn til að borða meiri fisk og þessa dagana stendur yfir hátíðin Fiskirí en þar leggja um 80 veitingahús sérstaka áherslu á gómsæta fiskrétti.

Lesa meira

Ráðstefna um tóbaksvarnir LOFT 2006, verður haldin í fjórða sinn í Reykjanesbæ 14.-15. september. Ráðstefnan er haldin annað hvert ár og skiptast heilbrigðisstofnanir á að halda hana. Áhersla ráðstefnunnar að þessu sinni er óbeinar reykingar og reykingar á vinnustöðum og í vinnuumhverfi en einnig verður fjallað um reykingar út frá sjónarhóli heilsugæslu og það sem efst er á baugi varðandi reykleysismeðferð. Lesa meira

Lýðheilsustöð er einn af fjölmörgum þátttakendum í 3L-EXPÓ sýningunni í Egilshöll, sem standa mun yfir dagana 7.-11. september. Auk þess að vera með bás, þar sem fram fer kynning á starfsemi og heimasíðu Lýðheilsustöðvar, þá munu tveir af verkefnisstjórum stöðvarinnar vera með fyrirlestur. Lesa meira

Reglur um útivistartíma barna og unglinga, skv. barnverndarlögum, breytast 1. september. SAMAN-hópurinn hefur staðið að útgáfu segulspjalda með útivistarreglunum, til að setja á ísskápa, sem send eru á heimili barna á ákveðnum aldri. Jafnframt gefur hópurinn út bæklinginn „18 ára ábyrgð – slaka á taumnum ekki sleppa“, ætlaður foreldrum nýnema í framhaldsskólum. Lesa meira

Nemendur í 9. R í Rimaskóla ákváðu að gefa allt verðlaunafé sitt, 75.000 kr. til ABC Barnahjálpar í Pakistan, í stað þess að nota það í óvissuferð fyrir bekkinn. Lesa meira

Lýðheilsustöð barst ábending um að á útvarpsstöð einni væri verið að gefa boðsmiða á bíómynd ásamt sígarettu og að skilyrði fyrir því að fá miðann væri að reykja sígarettuna. Við nánari athugun kom í ljós að þetta reyndist rétt vera. Stöðinni var bent á að með þessu væri væntanlega verið að brjóta tóbaksvarnalög. Lesa meira

Lýðheilsustöð hefur birt tölur um fæðuframboð á Íslandi fyrir árin 2004-2005. Þessar upplýsingar eru unnar reglulega og veita vísbendingar um þróun á mataræði þjóðarinnar. Tölurnar eru reiknaðar í kg/íbúa/ár samkvæmt jöfnunni: fæðuframboð=framleiðsla + innflutningur – útflutningur – önnur not (t.d. dýrafóður). Lesa meira

Engin ungmenni yngri en 18 ára ættu að fara ein og eftirlitslaus á útihátíð um verslunarmannahelgina. Í flestum tilfellum gengur allt vel á slíkum hátíðum en eins og reynslan hefur sýnt hafa því miður komið upp tilvik þar sem ungt fólk hefur lent í vanda – sem væntanlega hefði mátt koma í veg fyrir hefðu foreldrar eða aðrir fullorðnir verið með í för. Lesa meira

Þegar vara er auglýst þá er tilgangurinn vanalega sá að fá fólk til að muna eftir og langa í vöruna - sem leiðir svo gjarnan til þess að varan er keypt. Auglýsingar hafa sterk áhrif á börn og ungt fólk og því er auglýsingum gjarnan beint að þeim. Þetta gildir t.d. mjög um áfengisauglýsingar, þar sem áfengi og ,,skemmtilegar” stundir er gjarnan sýnt saman. Bannað er með lögum að auglýsa áfengi á Íslandi en ótal dæmi sýna hvernig farið er í kringum þessi lög – nægir að nefna ýmsar verslunarmannahelgarauglýsingar nú í ár. Og nú er meira að segja svo langt gengið að hægt er að kaupa barnaleikföng með áfengisauglýsingum. Lesa meira

Í fjölmiðlum undanfarið hefur mikið verið rætt um eftirlitslausa unglinga á bæjarhátíðum og tjaldstæðum víða um land. Nú þegar líður að verslunarmannahelgi nær þessi umræða hámarki og er sérstaklega talað um þátt foreldra. Sjálfræðisaldurinn er við 18 ára aldur og því hefur verið talað um 18 ára ábyrgð í þessu sambandi. Sú ábyrgð gildir alltaf og fer ekki í sumar- eða helgarfrí. Lesa meira

Öryrkjum á Íslandi, sem hafa örorku sem fyrstu sjúkdómsgreiningu, hefur fjölgað úr 37 einstaklingum árið 1992 í 111 árið 2004. Aukningin er 183% hjá konum en 263% hjá körlum. Þetta kemur fram í grein sem birtist í júlíhefti Læknablaðsins 2006. Lesa meira

Í ljósi umræðu um hættuna af því að borða örbylgjuhitaðan mat áréttar Lýðheilsustöð að samkvæmt fjölda rannsókna er örbylgjumatur ekki skaðlegur við eðlilega meðhöndlun. Lesa meira

Lýðheilsustöð er í samstarfi við verslanakeðjur í landinu um að fók yngra en 18 ára hvorki selji né kaupi tóbak hjá þeim. Lesa meira

Börn sem sólbrenna eru meiri hættu á að fá húðkrabbamein síðar á lífsleiðinni en þau sem ekki hafa sólbrunnið. Tilfellum húðkrabbameins á Íslandi fer stöðugt fjölgandi enda Íslendingar, jafnt ungir sem gamlir, verið ötulir við sólböðin á undanförnum árum en sólarljósið er þarna hættulegasti áhættuþátturinn. Að draga úr þeim tíma sem varið er í sólargeislunum og nota sólarvörn eru góðar forvarnaaðgerðir. Lesa meira

Sumarið er tími hjólreiðanna og þá drífa margir hjólin sín úr geymslunni, þurrka af þeim rykið, pumpa í dekkin og skella sér í góða hjólreiðatúra. Margir nota hjólið líka sem sitt aðalsamgöngutæki og hjóla í og úr vinnu. Í tilefni af fyrirtækjaleik ÍSÍ, Hjólað í vinnuna, sem haldinn var í maí, stóðu Lýðheilsustöð, Umhverfissvið Reykjavíkurborgar, Íþrótta- og Ólympíusamband Íslands og Landssamtök Hjólreiðamanna fyrir ráðstefnu um heilbrigðar samgöngur sem bar yfirskriftina ,,Látum hjólin snúast”. Lesa meira

Ísland kemst brátt í hóp þeirra þjóða þar sem allir vinnustaðir eru reyklausir samkvæmt lögum og þar með verður allt vinnandi fólk losað undan skaðsemi óbeinna reykinga á vinnustað sínum. Ný skýrsla landlæknis Bandaríkjanna þykir taka af allan vafa um skaðsemi óbeinna reykinga. Lesa meira

Dagana 13. og 14. júní var haldin fjölmenn námsstefna um offitu barna, forvarnir og meðferð, á vegum Félags fagfólks gegn offitu, Lýðheilsustöðvar og Landlæknisembættisins. Tilgangur námsstefnunnar var að kynna reynslu af ólíkum meðferðarúrræðum og forvörnum sem gætu hugsanlega gagnast við skipulagningu og uppbyggingu úrræða hér á landi. Lesa meira

Sumarið er hættutími fyrir ungt fólk hvað það varðar að taka upp áhættuhegðun, s.s. að byrja að nota tóbak, drekka áfengi, neyta ólöglegra vímuefna eða aka undir áhrifum og langt yfir löglegum hraða. Viðburðir eins og 17. júní skapa sérstaka hættu. Þessa dagana og mánuði eru ýmsir aðilar að birta skilaboð til að minna á þetta - og þeirra á meðal eru Lýðheilsustöð og SAMAN-hópurinn. Lesa meira

,,Dagur án tóbaks" vekur hjá mörgum löngun til að láta verða af því að hætta tóbaksnotkuninni og auglýsingar og fræðsluefni sem Lýðheilsustöð birti í tilefni af deginum er ætlað að hvetja til slíks. Nýlega kom út sjálfshjálparbæklingurinn Hættu fyrir lífið sem aðstoðað getur þá sem vilja hætta. Lesa meira

Miðvikudagurinn 31. maí er árlegur alþjóða dagur án tóbaks. Í ár er lögð áhersla á að hvetja fólk til að nota tækifærið og hætta að nota tóbak. Slík breyting á hegðun gerist í yfirleitt í þrepum og Lýðheilsustöð hefur útbúið efni á heimasíðunni með ráðleggingum til auðvelda fólki að hætta. Einnig eru upplýsingar um þá sem veita aðstoð við að hætta tóbaksnotkun. Lesa meira

Þriðjudaginn 30. maí var haldinn ársfundur Lýðheilsustöðvar og við það tækifæri var úthlutað styrkjum úr Forvarnasjóði. Alls var úthlutað styrkjum til 50 verkefna að upphæð kr. 43.300.000. Lesa meira

Samkeppnin Reyklaus bekkur er senn á enda. Þetta er sjöunda árið sem íslenskir grunnskólar taka þátt í þessu verkefni ásamt 21 öðru Evrópulandi. Í ár voru um 320 bekkir skráðir til leiks en þátttakan hefur verið góð öll árin. Bekkirnir staðfestu reykleysi sitt 6 sinnum í gegnum vefsíðu Lýðheilsustöðvar. Lesa meira

Á rástefnunni sem var haldin á vegum Akureyrarbæjar, Háskólans á Akureyri, Fjórðungsskjúkrahússins á Akureyri og Lýðheilsustöðvar kom fram fjöldi fyrirlesara og er nú hægt að nálgast fyrirlestraglærur þeirra hér á heimasíðu Lýðheilsustöðvar. Lesa meira

Kynningarfundur var haldinn 15. maí í tilefni af útkomu nýrrar skýrslu um niðurstöður rannsóknar á mataræði 9 og 15 ára barna og unglinga, sem Rannsóknastofa í næringarfræði og Lýðheilsustöð standa að en rannsóknin var unnin af RÍN 2003-2004. Höfundar skýrslunnar eru Inga Þórsdóttir, prófessor og Ingibjörg Gunnarsdóttir, dósent við Háskóla Íslands.

Lesa meira

Matvælaöryggisstofnun Evrópu (EFSA) hefur metið nýja rannsókn á aspartam og staðfestir örugga notkun efnisins. Lesa meira

Hérna er hægt að nálgast ýmiss konar talnaefni og skýrslur sem tengjast áfengis- og vímuefnrannsóknum og umfjöllunum um þær. Einnig um sértæk viðfangsefni sem flokkast ekki undir aðra liði hér á vinstri hönd. Sumar rannsóknir spanna mörg svið og geta því verið á fleiri en einum stað.

Lesa meira

Við lok samræmdra prófa tíðkaðist gjarnan á árum áður að margt af unga námsfólkinu hélt upp á þennan áfanga með því að drekka áfengi. Undanfarin ár hefur þetta þó breyst verulega og nú halda langflest ungmenni upp á þennan viðburð á heilbrigðan og skemmtilegan hátt. En alltaf þarf þó að halda vöku sinni og minna jafnt unga fólkið sem foreldrana á hætturnar sem geta leynst á þessum tímamótum. Lesa meira

Lýðheilsustöð, Umhverfissvið Reykjavíkur, Íþrótta- og Ólympíusamband Íslands og Landssamtök hjólreiðamanna standa fyrir ráðstefnunni Látum hjólin snúast - ráðstefna um heilbrigðar samgöngur á Grand Hótel Reykjavík, fimmtudaginn 11. maí. Ein þeirra spurninga sem leitað verður svara við á ráðstefnunni er: Hvert er heilsufarslegt mikilvægi hjólreiða? Lesa meira

Á næstu vikum mun Kiwanishreyfingin gefa öllum börnum í 1. bekk í grunnskólum landsins reiðhjólahjálma. Um er að ræða sérstakt átak í samvinnu Kiwanishreyfingarinnar og Eimskips en að auki nýtur verkefnið aðstoðar Lýðheilsustöðvar. Alls verður 4.500 reiðhjólahjálmum dreift í ár og er heildarverðmæti verkefnisins um 23 milljónir kr.

Lesa meira

Í ljósi umræðu um nauðsyn þess að fólk taki inn fæðubótaefni áréttar Lýðheilsustöð að samkvæmt rannsókn á mataræði Íslendinga þá fá flestir Íslendingar nóg af vítamínum og steinefnum úr fæðunni. Lesa meira

Fyrstu niðurstöður rannsóknarinnar Heilsa og lífskjör skólanema, sem gerð var á meðal 11.800 skólanema í 6., 8. og 10. bekk grunnskóla í febrúar og mars sl., voru kynntar á Hótel KEA á Akureyri 25. apríl. Viðfangsefni rannsóknarinnar eru víðtæk en spurt er um lífstíl, næringu, matmálstíma, hreyfingu, tómstundir, slys, tannhirðu, líðan, félagsleg tengsl og umhverfi nemenda auk þess sem spurt er um ýmsa áhættuhegðun. Lesa meira

Í febrúar og mars 2006 var alþjóðlega rannsóknin Heilsa og lífskjör skólanema lögð fyrir 13.000 íslenska skólanema á aldrinum 12-16 ára. Lýðheilsustöð og Háskólinn á Akureyri annast rannsóknina hér á landi. Fyrstu íslensku niðurstöðurnar liggja nú fyrir og verða þær kynntar á Hótel KEA þriðjudaginn 25. apríl klukkan 14:30. Lesa meira

Alþjóðaheilbrigðisdagurinn er 7. apríl ár hvert. Yfirskriftin í ár er ,,samstarf í þágu heilbrigðis". Lýðheilsustöð og Heilsugæsla höfuðborgarsvæðisins nýttu þetta tilefni til að undirrita formlegan samstarfssamning á milli stofnananna tveggja til ársins 2010. Lesa meira

Landsmenn vita að áfengiskaupaaldur á Íslandi miðast við 20 ár. Samt sem áður sýnir reynslan að yngra fólk – og oft mun yngra – er að neyta áfengis og það jafnvel í mjög miklu og skaðlegu magni. Þetta sýnir líka að aðgengi unga fólksins að áfengi er tiltölulega auðvelt og að eldra fólk er að kaupa eða útvega ungu fólki, sem ekki hefur aldur til, áfengi. Því lengur sem ungt fólk dregur það að hefja áfengisneyslu því betra fyrir heilsu þess og vellíðan. Lesa meira

Niðurstöður hópavinnu á fyrsta samráðsfundi Lýðheilsustöðvar og sveitarfélaganna 25 sem taka þátt í verkefninu Allt hefur áhrif-einkum við sjálf! liggja nú fyrir. Lesa meira

Lýðheilsustöð-manneldisráð birta nýja ráðlagða dagskammta - RDS 2005 fyrir ýmis næringarefni og koma þeir í stað RDS frá 1996. Lesa meira

Í Kastljósþætti ríkissjónvarpsins, 13. mars sl. var umfjöllum um sykurneyslu sem Lýðheilsustöð gerir athugasemdir við. Lesa meira

Þessa dagana er verið að senda foreldrum og forráðamönnum fermingarbarna póstkort þar sem bent er á hætturnar sem fylgja því að ungt fólk fari í ljósabekki. Skilaboðin á kortinu eru frá Félagi íslenskra húðlækna, Geislavörnum ríkisins, Landlæknisembættinu og Krabbameinsfélaginu. Þetta er þriðja árið sem þessir aðilar standa saman að fræðsluherferð undir slagorðinu „Hættan er ljós“.

Lesa meira

Evrópusambandið auglýsir eftir umsóknum um styrki til verkefna á sviði lýðheilsu, úr sjóði sem hefur yfir 43 milljónum evra að ráða. Umsóknarfrestur er til 19. maí 2006..

Lesa meira

Þessa dagana fer fram nokkuð heit umræða um sykurneyslu þjóðarinnar, bæði manna á meðal og í fjölmiðlum, og sitt sýnist hverjum. Hér er þó ekki eitthvað nýtt á ferðinni og margir íslenskir sérfræðingar hafa í áranna rás fjallað um sykurneyslu - ekki síst á undanförnum misserum í ljósi þess að þjóðin er almennt að þyngjast. Lýðheilsustöð bendir á ýmsan fróðleik um sykurneyslu. Lesa meira

Stórt skref til framfara var stigið í málefnum geðsjúkra nú á dögunum þegar fulltrúi notenda á geðsviði var ráðinn á Landspítala háskólasjúkrahús. Tilgangurinn er m.a. að efla notendaþekkingu starfsfólks á geðsviði sjúkrahússins. Lesa meira

Hinn 10. mars undirrituðu þær Guðfinna S. Bjarnadóttir, rektor Háskólans í Reykjavík, og Anna Elísabet Ólafsdóttir, forstjóri Lýðheilsustöðvar, viljayfirlýsingu þar sem lýst er yfir vilja til samstarfs um rannsóknir og fræðsluverkefni á sviði lýðheilsu. Markmið samstarfsins er að efla lýðheilsurannsóknir og fræðslu í landinu með það að leiðarljósi að bæta heilsu og líðan landsmanna.

Lesa meira

Nýskipaður heilbrigðis- og tryggingamálaráðherra, Siv Friðleifsdóttir, heimsótti Lýðheilsustöð í dag. Lesa meira

Þjóðarpúls Gallup, mars 2006, birtir niðurstöður Gallup á afstöðu fólks til reyklausra veitinga- og kaffihúsa sem sýna að 74% aðspurðra eru hlynntir reykingabanni á þessum stöðum. Lýðheilsustöð fékk Gallup til að gera svipaða könnun fyrir um ári og niðurstöðurnar nú sýna að stuðningur við reykbann er aukast, því þá voru um 61% hlynnt reykingabanni. Lesa meira

Á síðastliðnum 2 vikum hafa Lýðheilsustöð og Háskólinn á Akureyri lagt fyrir nemendur í 6. 8. og 10. bekk í nær öllum grunnskólum landsins fjölþjóðlegu könnunina Heilsa og lífskjör skólanema (Health Behaviour in School-aged Children (HBSC)). Skráðir þátttakendur í könnuninni á Íslandi voru um 13.400 nemendur, í 770 bekkjum, í 165 skólum um allt land. Lesa meira

Stofnuð hafa verið Alheimssamtök opinberra lýðheilsustöðva, International Association of National Public Health Institutes (IANPHI). Stofnfundurinn fór fram í Ríó de Janeiro í Brasilíu, dagana 29. janúar til 1. febrúar sl. með þátttöku forstjóra flestra opinberra lýðheilsustöðva sem nú eru starfandi í löndum víðs vegar um heiminn, þeirra á meðal var Anna Elísabet Ólafsdóttir, forstjóri Lýðheilsustöðvarinnar á Íslandi. Lesa meira

Í mörgum fjölmiðlum var í gær og í dag greint frá því að reykingar unglinga í Noregi hafi dregist saman um helming á sl. fimm árum. Í ljósi þess hversu fréttnæmt þetta þykir er ástæða til að halda á lofti árangrinum sem náðst hefur hér á landi varðandi reykingar íslenskra unglinga, sem m.a. hefur leitt til þess að á síðasta ári voru reykingar nemenda í 10. bekk í sögulegu lágmarki. Lesa meira

Komnir eru út tveir nýir fræðslubæklingar um kynlíf og kynhegðun unglinga, annars vegar Kynlíf – unglingar og hins vegar Samskipti foreldra og barna um kynlíf. Lesa meira

Í kjölfar þess að lagt var fram á Alþingi frumvarp um breytingar á lögum um tóbaksvarnir hefur ein einstök rannsókn, sem unnin var á vegum Alþjóðaheilbrigðismálastofnunarinnar (WHO) og birt árið 1998, verið talsvert til umræðu. Því hefur verið haldið fram að rannsóknin leiði í ljós að ekki séu tengsl milli óbeinna reykinga og lungnakrabbameins og reynt hefur verið að gera tortryggilegt að niðurstöðum þessarar rannsóknar sé ekki hampað nægilega í greinargerð Lýðheilsustöðvar, sem er fylgiskjal með frumvarpinu. Í ljósi hinnar miklu umræðu þykir rétt að leiðrétta þennan misskilning og jafnframt birta fréttatilkynningu frá Alþjóðaheilbrigðismálastofnuninni um rannsóknina frá árinu 1998 en tilkynningin var andsvar stofnunarinnar við sambærilegum mistúlkunum og þeim sem hafa verið að birtast hér á landi. Lesa meira

Fræðslubæklingur Lýðheilsustöðvar um skaðsemi vímuefnanotkunar, sem einkum er ætlaður ungu fólki á framhaldsskólaaldri. Bæklingurinn nefnist Staðreyndir um vímuefni, og er hluti af verkefni sem kallast ,,Höldum heilanum heilum”. Lesa meira

Fyrsti samráðsfundur Lýðheilsustöðvar og sveitarfélaganna 25 sem taka þátt í verkefninu Allt hefur áhrif-einkum við sjálf! fer fram á Hótel Nordica föstudaginn 27. janúar. Allt hefur áhrif-verkefnið hófst formlega haustið 2005 en Lýðheilsustöð hefur unnið að undirbúningi þess frá árinu 2004, m.a. með því að fá sveitarfélög um allt land til samstarfs. Verkefnið hefur það að markmiði efla og bæta næringu og hreyfingu barna og ungmenna sem og fjölskyldunnar í heild. Lesa meira

Fyrsti samráðsfundur Lýðheilsustöðvar og sveitarfélaganna 25 sem taka þátt í verkefninu Allt hefur áhrif-einkum við sjálf! fer fram á Hótel Nordica föstudaginn 27. janúar. Allt hefur áhrif-verkefnið hófst formlega haustið 2005 en Lýðheilsustöð hefur unnið að undirbúningi þess frá árinu 2004, m.a. með því að fá sveitarfélög um allt land til samstarfs. Verkefnið hefur það að markmiði efla og bæta næringu og hreyfingu barna og ungmenna sem og fjölskyldunnar í heild. Lesa meira

Lýðheilsustöð auglýsir eftir umsóknum um styrki úr Forvarnasjóði, skv. lögum nr 18/2003 – 96/1995 og reglugerð 361/1999. Tilgangur sjóðsins er að stuðla að forvörnum á sviði áfengis- og vímuvarna og eru styrkir veittir á grundvelli verkefna. Veittir verða styrkir til almennra verkefna og rannsókna auk þess sem hluta Forvarnasjóðs verður varið til styrktar áfangaheimila. Lesa meira

Lýðheilsustöð, talsmaður neytenda og umboðsmaður barna sendir í dag frá sér fréttatilkynningu þar sem greint er frá því að þessar stofnanir hafa bréflega farið fram á það við útvarpsréttarnefnd að hún kanni formlega hvort íslenskar sjónvarpsstöðvar hafi brotið gegn tilgreindum ákvæðum útvarps- og áfengislaga með því að heimila birtingu bjórauglýsinga, kostun tiltekinna dagskrárliða af hálfu bjórframleiðenda og að áfengi og tengd vörumerki séu áberandi í ákveðnum dagskrárliðum, eins og nánar er rakið í erindinu, dags. 10. janúar sl. Lesa meira

Vakin er athygli á fræðslufundi um tölvufíkn ungs fólks sem Náum áttum samstarfshópurinn stendur fyrir miðvikudagsmorguninn 18. janúar kl. 8.30-10. Nauðsynlegt er að skrá sig á fundinn. Lesa meira

Frítt til Evrópu fyrir reyklausa var keppni fyrir fólk á aldrinum 15 – 20 ára. Þetta var tvískipt keppni, annars vegar fyrir reyklausa og hins vegar fyrir þá sem reykja en vilja hætta. Þátttakendur þurftu að skrá sig til leiks fyrir 10. nóvember og þurftu þeir sem ætluðu að hætta að reykja að vera reyklausir frá 10. nóvember til 10. desember. Í hvorum flokki voru dregnir út tveir vinningar, annars vegar fyrir þá sem ekki reykja og hins vegar fyrir þá sem ætla að hætta. Vinningarnir voru Evrópuferð að verðmæti 50.000 krónur  og 40.000 kr.
Lesa meira

Í pistli Herdísar Storgaard, í Blaðinu þriðjudaginn 10. janúar, var fólk varað við því að geyma skotelda inni á heimilinu. Sá tími sem leyfður er til að skjóta upp skoteldum er nú löngu liðinn og því er ekki hægt að eyða birgðum af skoteldum á þann hátt. Mikil eldhætta getur stafað af því að geyma skotelda inni á heimilinu og því nauðsynlegt að losa sig við þá – en það er hægt að gera á móttökustöðvum Sorpu. Lesa meira

Nýverið var gefinn út kynningarbæklingur um Lýðheilsustöð, á íslensku og ensku, þar sem greint er í stórum dráttum frá starfseminni. Lesa meira

Sigurlaug Jónasdóttir og Leifur Hauksson umsjónarmenn þáttarins heimsóttu Lýðheilsustöð föstudaginn 6. janúar kl. 11-12.

Hlusta á þáttinn

Lesa meira

Samkvæmt niðurstöðum langtímarannsóknar í Bandaríkjunum á árabilinu 1999-2001 hafa áfengisauglýsingar áhrif á áfengisdrykkju ungs fólks. Niðurstöðurnar sýna að bein tengsl eru á milli drykkju og framboðs auglýsinga þannig að sá hópur ungs fólks sem sá meira af áfengisauglýsingum drakk meira en sá hópur sem sá minna af þeim. Lesa meira

Lýðheilsustöð óskar þess að nýtt ár verði landsmönnum öllum gleðilegt og árangursríkt - ekki síst hvað heilsuna varðar! Lesa meira

Áramót er sá tími sem margir nota til að hefja breytingar á einhverju í sínu lífi og þar eru reykingar oftar en ekki ofarlega á blaði, þ.e. að hefja nýja árið á því að hætta að reykja eða nota annað tóbak. Ekki þarf að fjölyrða hér um það hversu erfitt það reynist mörgum en þar eru þó ýmsar leiðir til hjálpar. Reyklausi síminn er ein þeirra. Lesa meira