Í byrjun þessa skólaárs tóku nemendafélög Menntaskólans í Reykjavík þá stefnu að halda öll böll og alla atburði félagslífsins reyklausa. Árangur þessarar herferðar hefur farið fram úr björtustu vonum, tvö reyklaus böll hafa þegar verið haldin við frábærar undirtektir nemenda og er reyklaust jólaball skipulagt þann 19. desember.

Auglýsingar á léttöli og bjórneysla - þversagnir á íslenskum auglýsingamarkaði er heitið á fyrirlestri sem Stefán Hrafn Jónsson, félags- og lýðfræðingur og verkefnastjóri á rannsóknasviði Lýðheilsustöðvar flutti á morgunverðarfundi hjá Náum áttum - hópnum. Fyrirlesturinn hefur vakið þó nokkra athygli og þeir sem vilja kynna sér efni hans geta gert það hér á síðunni.

Reyklaus bekkur er keppni þar sem öllum reyklausum 7. og 8. bekkjum í landinu er boðið að taka þátt svo fremi að enginn nemenda reyki. Frestur til að skrá sig til leiks hefur verið framlengdur þar til í vikulok, þ.e. til 12. nóvember.

Eins og fram kom í máli Þórodds Bjarnasonar, prófessors við Háskólann á Akureyri, í sjónvarpsfréttum ríkisútvarpsins í gærkvöldi sýna ESPAD-rannsóknir (The European School Survey Project on Alcohol and Other Drugs) þá ánægjulegu þróun á Íslandi að áfengisneysla 10. bekkinga grunnskóla hefur verið að minnka á síðustu 8 árum. Við nánari skoðun þessara rannsóknagagna kemur þó í ljós að þeir nemendur í 10. bekk, sem á annað borð drekka, drekka nú meira áfengi en nemendur í 10. bekk hafa áður gert. Þetta kallar fram ýmsar spurningar og áhyggjur okkar sem störfum að forvörnum og heilsueflingu. Gögnin sýna ennfremur að það er fyrst og fremst neysla bjórs sem hefur vaxið.

Lesa meira

Lesa meira

Frítt til Evrópu fyrir reyklausa (Quit and win - Don’t start) er keppni ætluð ungu fólki á aldrinum 15-20 ára og er liður í að hvetja ungt fólk á þessum aldri til reykleysis. Þátttakendur skrá sig með því að senda póstkort eða í gegnum heimasíðu Lýðheilsustöðvar.

Lesa meira

Frá og með 23. september birtast Geðorðin 10 á öllum strætisvögnum í Reykjavík, eitt geðorð á hverjum vagni, og verða geðorðin á vögnunum í einn mánuð.

Föstudaginn 23. september, kl. 13:00 – 17:00, fór fram á Grand hóteli, Sigtúni 38, Reykjavík, kynningarfundur á vegum heilbrigðis- og tryggingamálaráðuneytisins og Lýðheilsustöðvar þar sem kynnt var lýðheilsuáætlun Evrópsambandsins og verkefnastyrkir henni tengdir. Á fundinum var einnig sagt frá öðrum styrkjasjóðum, umsóknarferli og verkefnum sem þegar hafa verið styrkt. Erlendir sérfræðingar komu sérstaklega til landsins til að flytja um þetta erindi á fundinum, auk þess sem innlendir aðilar fjölluðu um málið frá ýmsum hliðum.
Gögn sem kynnt voru á fundinum eru aðgengileg hér á síðunni.

Skilgreining á nærdrukknun er: Barnið fer í öndunarstopp eða öndunar- og hjartastopp og þarfnast endurlífgunar. Slíkt ástand getur verið lífshættulegt. Sé barninu ekki komið til hjálpar mjög fljótt er hætta á súrefnisskorti sem orsakað getur varanlegan heilaskaða.

Lesa meira

Töluverð breyting hefur orðið á hugmyndum unglinga um geðheilsu frá árinu 2001 til ársins í ár – mun fleiri unglingar vita hvað geðheilsa er eða um 52% samanborið við 22% árið 2001. Þetta kemur fram í nýrri könnun Dóru Guðrúnar Guðmundsdóttur á þekkingu nemenda í Vinnuskóla Reykjavíkur á geðheilbrigði.

Lesa meira

Lesa meira

Dagana 9.-11. október 2005 verður haldin á Íslandi 8. norræna lýðheilsuráðstefnan. Yfirskrift ráðstefnunnar er „Lýðheilsa – sameiginleg ábyrgð“. Ráðstefnan mun fara fram á ensku en fyrirlesarar og stýrendur vinnusmiðja eru frá Norðurlöndunum og Kanada. Þeir komu úr mismunandi starfsstéttum en starfa allir á einn eða annan hátt að lýðheilsumálum. Ráðstefnan veitir því mikilvægt tækifæri til að kynnast því helsta og nýjasta sem er að gerast í þessum málum hér heima og í nágrannalöndunum.

Lesa meira

Það var mikið um að vera í Fjölskyldu- og húsdýragarðinum í morgun en þá var átaksverkefnið ,,Hjólað í vinnuna" sett af stað með pompi og prakt. Ellert B. Schram, forseti ÍSÍ, Steinunn Valdís Óskarsdóttir, borgarstjóri, Ásgeir Eiríksson, framkvæmdastjóri Strætó BS, og Jón Kristjánsson, heilbrigðisráðherra, héldu stuttar ræður en Anna Elísabet Ólafsdóttir, forstjóri Lýðheilsustöðvar, endaði fundinn með því að stjórna hópsöng þar sem sungið var ,,Hjólalagið 2005" og var vel tekið undir.

Það var mikið um að vera í Fjölskyldu- og húsdýragarðinum í morgun en þá var átaksverkefnið ,,Hjólað í vinnuna" sett af stað með pompi og prakt. Ellert B. Schram, forseti ÍSÍ, Steinunn Valdís Óskarsdóttir, borgarstjóri, Ásgeir Eiríksson, framkvæmdastjóri Strætó BS, og Jón Kristjánsson, heilbrigðisráðherra, héldu stuttar ræður en Anna Elísabet Ólafsdóttir, forstjóri Lýðheilsustöðvar, endaði fundinn með því að stjórna hópsöng þar sem sungið var ,,Hjólalagið 2005" og var vel tekið undir.

Í Hagtíðindum kemur fram að áfengissala hér á landi jókst um 6,3% milli áranna 2003 og 2004 í lítrum talið, eða úr 19,2 milljónum lítra árið 2003 í 20,4 milljónir lítra árið 2004. Umreiknað til hreins vínanda, alkóhóllítra, er aukningin hlutfallslega ekki eins mikil, eða 4,4%milli ára, úr 1.458 þúsund alkóhóllítrum árið 2003 í 1.523 þúsund alkóhóllítra árið 2004. Salan samsvarar 6,71 alkóhóllítra á hvern íbúa 15 ára og eldri, en var 6,52 alkóhóllítrar á árinu 2003. Sú aukning er 2,9% milli ára, en sambærilegar hækkanir milli ára á þeim mælikvarða hafa verið frá ríflega 2% til ríflega 5% frá árinu 2000.

Lýðheilsustöð og tóbaksvarnaráð fagna því að aðalfundur Samtaka ferðaþjónustunnar, haldinn á Grand Hóteli Reykjavík þann 7. apríl 2005, leggi til að allir veitinga- og skemmtistaðir verði reyklausir frá og með 1. júní 2007. Með þessu hafa Samtök ferðaþjónustunnar fylkt sér í lið þeirra sem vilja tryggja öllu vinnandi fólki reyklaust umhverfi. Mikill meirihluti þjóðfélagsins hefur sýnt að hann kjósi að allir geti unnið í reyklausu umhverfi. Lýðheilsustöð og tóbaksvarnaráð undirstrika mikilvægi þess að löggjafinn setji sem fyrst lög þessu til staðfestingar.

Lesa meira

Þegar mjólk í pela eða barnaglasi er hituð í örbylgjuofni þarf að gera ákveðnar varúðarráðstarfanir svo að barnið brenni sig ekki þegar það drekkur mjólkina. Á neytendasíðu Morgunblaðsins birtist í þessari viku ábending um varasamt barnaglas hvað þetta varðar. Að öllum líkindum hefur hér frekar verið um að ræða ranga aðferðina við að hita mjólkina en að glasið sé sérstaklega varasamt.

Lesa meira

Efling, stæðsta stéttarfélag starfsmanna veitinga- og skemmtistaða með veltu rúmlega 5000 starfsmanna á ársgrundvelli og 2500 starfsmenn starfandi í hverjum mánuði, fagnar frumvarpi Sivjar Friðleifsdóttur og fleiri þingmanna um breytingar á lögum um tóbaksvarnir og hvetur Alþingi til að samþykkja frumvarpið.

Þar sem mikið frost hefur verið á landinu að undanförum dögum er sjór víða ísilagður við strendurnar og vötn frosin. Allir vita hvaða aðdráttarafl þetta hefur á börn og ungmenni. Foreldrar og forráðamenn eru því beðnir að vera þarna vel á verði og brýna fyrir börnum sínum að vera ekki að leik á ísnum.

Lesa meira

Nú fer sá tími í hönd að börn fara almennt að vera lengur úti og þessum tíma kemur oft upp fikt með eldfæri. Börn fara að brenna sinu eða kveikja í einhverju öðru og því þurfa foreldrar og forráðamenn að vera sérstaklega á varðbergi og brýna fyrir börnunum hættuna af fikti með eld.

Lesa meira

Á síðustu vikum hefur fjöldi kennara og foreldra haft samband við Árvekni vegna barna sem eru að leika hættulega leiki sem rekja má beint til sjónvarpsefnis.

Lesa meira

„Það er engin heilsa án geðheilsu“ eru einkunnarorð Geðræktar og á evrópska ráðherrafundinum um geðheilbrigðismál, sem haldinn var í Helsinki í Finnlandi dagana 12.-15. janúar 2005, var undirrituð yfirlýsing um aðgerðir í geðheilbrigðismálum til næstu 5-10 ára sem ættu m.a. að stuðla að því að menn geri sér almennt grein fyrir því að heilsa-geðheilsa eru óaðskiljanlegur hluti af heild.

Lesa meira

Fyrir skömmu stakk barn sig á sprautunál sem það fann á skólalóð á höfuðborgarsvæðinu. Börn höfðu orðið vör við sprautuna og ætluðu að farga henni, með fyrrgreindum afleiðingum. Farið var með barnið strax til læknis þar sem það fékk viðeigandi meðferð.

Lesa meira

Markaðsgæsluyfirvöld á norðurlöndunum létu prófa fimmtán ólíkar tegundir snuða og er niðurstaða prófunarinnar m.a. sú að þrjár tegundir þeirra teljast vera hættulegar börnum. Snuðtegundirnar hafa nú verið teknar af markaði en gætu verið í notkun á Íslandi þar sem tvær þeirra hafa verið seldar hér á landi.

Lesa meira

Velferðasjóður barna á Íslandi lét gera tíu upplýsinga- og fræðslumyndir í því skyni að draga úr slysum barna. Sjóðurinn fékk Lýðheilsustöð og Tryggingamiðstöðina til samstarfs um verkefnið og er við það miðað að vekja athygli foreldra og forráðamanna barna, sem eru yngri en fjögurra ára, á þeim slysahættum sem leynast víða á heimilum og í næsta umhverfi barna.

Lesa meira

Nýkomnir eru út á vegum Lýðheilsustöðvar tveir fræðslubæklingar um áfengi undir heitinu: Hvað veistu um áfengi? Annar bæklingurinn er ætlaður fullorðnum en hinn ungu fólki.

Lesa meira

Lýðheilsustöð er að ýta úr vör þróunarverkefni í samvinnu við sveitarfélög í landinu til að bregðast við þeirri þróun að börn og ungmenni á Íslandi eru að þyngjast.

Lýðheilsustöð er að ýta úr vör þróunarverkefni í samvinnu við sveitarfélög í landinu til að bregðast við þeirri þróun að börn og ungmenni á Íslandi eru að þyngjast.

Lýðheilsustöð er að ýta úr vör þróunarverkefni í samvinnu við sveitarfélög í landinu til að bregðast við þeirri þróun að börn og ungmenni á Íslandi eru að þyngjast.

Við áramót leggja margir drög að betri lífsstíl á nýju ári og mataræðið er þar gjarnan efst á blaði. Sykurneysla landsmanna – og þá ekki síst barna- þykir í meira lagi en hvað er hóflegt magn af sykri?

Lesa meira